قبيلة بني رشيد - عرض مشاركة مفردة - مشااهدات متنووعه عن هذة الحيااه وعادي طاح الحطب والحياه حلوه

مهاجر بلا زاد

عادي .. طاح الحطب .. وانت الحطب

وحدة مزيونة بالحيل........و حبيبة ...
بس تخون !!!!
وش اسوي بجمالها ؟؟
بياخذها الزمان و تبقى عجوز

ملتزم ...
يصلي كل الفروض ...
و إذا تعب ... فوت صلاة الفجر
وإذا شبع راحت صلاة العصر ...
وعنده دش ... و يكذب كثير
وإذا صحى الصبح ... مشط اللحية

غني وظالم ..
يطرد المساكين ... ويستغل الضعف
مغرور و فاسق ...
و مجلسه عامر ...
كلن يبهر له ...
ومع ذلك يجمع حسنات ... من كثر اللي يسبونه

يكد ويدرس و يشتغل ...
لأجل يبني مستقبله ...
تزوج و جاب عيال ... ثم تقاعد
صار يسكن في مكان ... وأم عياله في مكان
والسبب العيال ...
صار دار المسنين بيتهم

تغازل و تاخذ أرقام ...
وتطلع مع هذا ... وتواعد هذاك ..
ويوم طاح الفاس في الراس ...
بكت ...
وراحت تشكي لأمها غدر الزمان ...
طبطبت عليها أمها وقالت :
ولا يهمك ... سفرة لدولة عربية ... وشوية سيولة
وترجعين بنت ...

مرفوع الكفن أبيض ...
وصاحبه وسط البياض ...
بعضهم يبكي ... و بعضهم عادي
دفنوه ... وتبكبكوا شوي
وآخر الليل سكارى

سيارة مسرعة ...
وتدعس لها واحد ...
مسكين هندي ...
والعسكري صديق الطايش ...
والخطا نصه على الهندي ...
والباقي على أبو الطايش ...
وفي الليل ..... الطايش يلعب بلوت

قارورة مويه ...
ما تضره .......طايحة في السيارة
يناظرها بغضب ... زعلان منها
ويفتح الشباك ... و يرميها وسط الطريق
وإذا اجتمع مع الشباب قال:
متى بنتحضر؟؟؟؟؟؟

أهم شي الثوب نظيف ... والشماغ مكوي ...
والقلم ماركة ... والساعة تضوي ...
والجزمة جلد ... والسيارة عجب ...
وتلفونه ما يسكت ...
إما بنات ...
أو البنوك تبي فلوسها

سطحية ... ومغرورة
غبية ... ومتكبرة ... وياريتها حلوة
تبي زوج مواصفات ...
ما يقول لا ... ويكره الاستراحات
لازم وسيم ... وأنيق ... ومتعلم ... و دخله ممتاز
ويحب السفر ...
و بعد سنين ... تلاقي نفسها في الإنترنت
تدور واحد يقبل بها

فتح الكمبيوتر ...
ودخل للمنتدى ... وكلامه ما يتعدى إن الموضوع روعة ورهيب
وهو ما قراه و لا يعرف كاتبه ...
بس يبي يزيد رصيد مشاركاته ...
ويزيد همومنا هم ...
علشان يصير صاحب الألف موضوع ...
و يتميز ...
والمشكلة إنه يتميز

الكذب إثم ... ومع ذلك نستخدمه
وندري إن هذا حرام ... و مع ذلك نجربه
نتذكر السهرة والفرح والسفر ...
وننسى الجالسين على كتوفنا ...
ونتناسى إن معهم كتاب يسجل أفعالنا ونياتنا ...
كل شي محسوب ...
حتى النظر ...
نسينا إن ورانا يوم ... علاماته قربت
ومع ذلك كلنا ناسين ...
إن بقيت على حالك تتناسى ... لازم تعرف
إن ذاك اليوم مهوب

الموضوع الأصلي: مشااهدات متنووعه عن هذة الحيااه وعادي طاح الحطب والحياه حلوه | | الكاتب: مهاجر بلا زاد | | المصدر: شبكة بني عبس