[الشامخ العرعري]

بسم الله الرحمن الرحيم
يعين الله يا دنيا تسوووق أيامها الأحزان
يعين الله وأنتي مثل قفل ضــــــاع مفتاحه
يعين الله جروحي لها في كل وقت شان
كذوب الي يقول أن الزمن بيداوي أجراحه
سقا الله يوم أنا ألبس بشت أبوي وثوبه القيطان
وأقلد كل شيء فيه جده و حكيه وأمزاحـــه
وأشيل المسبحه مثله إلى هوجس وهو سرحان
بيشعر وأحسب الي عطاه الشعر مسباحــه
خذتني غربة عنوانها غربه بلا عنوان
أبي بعد التعب راحه لقا فيني التعب راحه
ورجعة مثل الي رجع بعد القنص خسران
غداء طيره وجاء يسحب سلوقيه وملواحه
قصيده ما بعد جات بال مساعد وضيدان
هواجيس بدوي هايم في عشقة أفلاااحه
وراحت كانت تبي لذنوبها غفران
خطاي أني كتمت أسرارها لجل العين بواحه
تقول المطر ماهو بدايم هتان
أجل معذور قلبً في همومه ضاعت افراحه
أنا غلطت ولا ني أول واحد غلطان
أبونا آدم من الجنه خرج بأسباب تفاحه
خذلك الوقت فيني ما خذلتك يا أعز أنسان
وش الدبره وأنا حظي قفل ضاع مفتاحه

أتمنى أن تنال على رضاكم