[رشيد]

ورد.... وشيح
----------------

شد الرحال وجود الطرقه عساها لك عجاج وريح

عسالك بالرحيل اهات..واهاتك بالرحيل جروح

سق ركبك..فمان..الهم..بداية فالك..التجريح

تتوه بعالم الاحزان...تعانق هم...وهم يلوح

تهيم بدنيتك وحدك..تهيم رفاقتك بالنوح

وداع...لا كتبه الله لقا بعده ولا تلويح

حسبت الدمعه بترقا لقيت الدمع غصب يطيح

سق الله ساعة الفرقى سق الله ليلة بتروح

ماعاد لك بالحشا خانه خذ جرحك وسلم التصريح

رجوعك للحنايا صعب واذا ودك ماهوب مسموح

ابنثر على الثرى حبك واذره بوجه الريح

ولوحنيت لك لحظه كرهتك من اقصى الروح

كثر ما كنت انا احبك كثر ما علمتني التبريح

نسجت من الضلوع اشواق وبنيت من الجراح صروح

كرهت الحب من حبك كرهته وانت لاهي مريح

مسلسل قصته طالت ودوري دايم المجروح

انا مليت استعطفه قلبك تعبت بكثرة التلميح

نهاية قصتي وياك عمري ضاع بلا مصلوح

وانا الغلطان ومن يتبع سحاب مطره شحيح

لا ناض لي برقه ولا هلت هماليل الحيا والشوح

سق ركبك..فمان الجرح عليك انثر ورد وشيح

واطرزها بقصيدة عشق واغنيها..ياليت تروح..


==========
من أقسى ما قرأت

الموضوع الأصلي: ورد .... وشيح | | الكاتب: رشيد | | المصدر: شبكة بني عبس