الشوق ماهو .. رعشة وقبضة عروق ... وماهو اللّي من شينك فعينك يجمّلك
وماهو شعور يخالج الروح برفوق.. وماهو سحر .. ولا أدري والله شقول إلك
كنّه سحابة حلم وتطير بك فوق .. وتطير .. ولا ودّك إنها تنزّلك
الشوق هذا .. ولاّ أنا شوقي البـوق .. ماقد حصل في شوق هذي .. ولا تلك
تدري وش آسوّي إلى أضناني الشوق ؟ .. أسوّي بعيوني كذا .. وآتخيـّـلك
وأقربّك وآتوق .. وآتوق .. وآتوق .. و " آكثـّـرك " وأحلف .. ما عاد .. " أقلـّـلك "
وأصوّرك في الموق .. وتكبر على الموق .. وتطيح مع دمعي على إيدي وأقبـّـلك