[poem="font="Tahoma,5,blue,bold,normal" bkcolor="transparent" bkimage="images/backgrounds/14.gif" border="none,4,gray" type=2 line=1 align=center use=ex num="0,black""]
اكتبي ذكرياتي وسط دفتر جفاك=واكتبيني لماضي فرحتي دمعتين
وارسمي باول الصفحه بقايا غلاك=وارسمي بآخر الصفحه بقايا الحنين
دام برق الجفا يابنت لاح بسماك=بختصرها عساك لمقصدي تفهمين
مايفيد العذر ماعادني في رجاك=مايفيد الندم يابنت لو تسمحين
انتهى كل شي ومازرعتيه جاك=كلها جروح قلب ودمعه وطعنتين
احفظيها حفظك اللي خلقك ورعاك=واتركيني لعلي بالصبر استعين
جيتك بطيب ظامي وارتويت بظماك=ومابقى الا بطيب اوادعك تعرفين
دام قلب تولع في غرامك نساك=راضي عنك لو لرضاي تستغربين
ليش اسبب بعد مارحل قلق وارتباك=ليش اخليك بعد موادعي تلعنين
عيشي اجمل حياتك مخطي من هواك=دام هذي حياتك غيرها وش تبين
سهل الله طريقك سهل الله خطاك=راضي عنك لو لرضاي تستنكرين
قيل وان كان وقتك في مرامك عصاك=ازين انك تطيعه فيه لاتستهين
واعوج العود لو حاولت عدله خطاك=لانكسر ماجبرته لو ثنيت اليدين
[/poem]
|