الشاعر والفارس فهيد الخرينج الرشيدي
الشاعر فهيد الخرينج شاعر قديم وله اشعار قويه ولست احفظ منها الا القليل
واعذروني أن قصرت في شي والكمال لله وحده
دجنا بنجد لاحاجتن مالقانا=ولا نقتظي حاجاتنا الا من الطاش
نمشي ونحسب ياضويحي أخطانا=عشرين ليله بين مسرى ومغباش
ياما على سحم الضواري سرانا=في ليلتن فيها جعوف ورشراش
كم واحدن بات الخلا وامتنانا=والله مجملنا ولو مالنا ادباش
ياما عطانا الله وياما عطانا=عطيتن نبهج بها بارد الجاش
شابت لحانا مالحقنا هوانا=عزي لمن شابت لحاهم على ماش
وله قصيده بعد
قال فاتت قلت يامقسوم خيره=الوعد فالمقبله والرزق بادي
الفلس يافاطري ماهو بعيره=أفلست خضر البيارق والبوادي
لو يحط الرزق عني في حظيره=يخرجه مخرج بياض من سوادي
هذا بعض قصايد الشاعر فهيد الخرينج الرشيدي الله يرحمه
(ضويحي) هو ضويحي البصمان الرشيدي الله يرحمه
الله يرحمهم ويرحم اموات المسلمين
اخوكم خالد المويزري
آخر تعديل بواسطة فهد المويسه ، 26-09-2008 الساعة 04:02 PM.
السبب: اعادة التنسيق
|