ياخاطري لاباس لاباس لاباس
ضاقت والا ضاقت على الله فرجها
لاتشتكي مخلوق من ساير الناس
مخلوق مثلك مايعدل عوجها
ماللصبر في سكة الياس مقياس
والارض للعالم وســـاعٍ فججها
وان ضاعت الحيله على كف الاتعاس
رجلك عـــــلى مادبرالله سجها
وانا لك الله فاقدٍ كل الاوناس
والعين غيراغفايها ماولجــــــــــها
امسي على هوجاس واصبح بهوجاس
اكذب على نفسي واصدق حججها
ياجمرةٍ بالجوف تصفق بالانفاس
لاقلت آه احس زادت وهجها
لولا الصبر وان الرجا يغلب الياس
مااقول لاضاقت على الله فرجها