هذه الأبيات وجهها إليّ شاعرنا الكبير :العمدة |ناصر خنيفر يقول فيها:
دق الخفوق ودقته قـل الانصـاف=كنه بصدره لاثقـل الحمـل شايـل
والنبض لاسرع جاب للقلب الاتلاف=ويتلف معه عوج الضلوع النحايـل
ولادق من سبة هو نـاب الارداف=نجل العيـون منقضـات الجدايـل
ولا قل مال ولا على العمده خـلاف=من فضل من ينشي صدوق المخايل
اسباب مابه من تجاهل للاعـراف=وحط الستـار وطـم كـل الدلايـل
وانقمت انشد عنه نايـف ونـواف=ماحدن يجيب علوم واف الخصايـل
كلٍ يقول انه مايسمـع ولا شـاف=تقـول موصيهـم بقطـع العقايـل
وقعت انتـف لـي علـومٍ تنتـاف=من ناس ماجابت علـوم ٍ صمايـل
احدن يقول السبع يسكن بالاطراف=وحدن يقول بعيـد يسكـن بحايـل
واحدن يقول اليا نظر قدم وخـلاف=لابان الاحمـر كـل يـومٍ يخايـل
وكثرة علوم اتخلي السبع ينعـاف=ترسـت بالنشـده دروج وفـايـل
النا طلب كان الطلب مابه اجحـاف=توضيح يرسل مع سريع الوسايـل
رد العلوم اللي سليمـات ونضـاف=وانـا اتحـرى بالبريـد الرسايـل
السر محفوظ وتريـح ولا تخـاف=مادام راسي ثابـتٍ ماهـو زايـل
وكانك رفضت اقـول يالله يخـلاف=تعوضني فـي نشدتـي والمثايـل
وهذا ردي على أبو تركي عسى أن ينال اعجابكم:
دق الخفوق وهاجسي طرق الأرياف=طرق النسايم في غصون ٍ تمايل
لاصك نؤ ٍ يضرب الكاف للكاف=واظلم سماء لعب القلوب الهبائل
ازم روحي واقف بكل مشراف=وارد على واد القهد والثمايل
وانزاح لانزاحوا عن الدار الأشراف=واكسب جميل أهل الوفاء والجمائل
مانكر جميل الصاحب الوافي العاف=ابقى على عهده ولو قال قائل
وأليا نشدوا عني عديمين الاوصاف=من عبس وألا من حدا عيال وائل
اصارحه بالهرج والقاف بالقاف=وأعد روحي من عيال الحمائل
ماجحد ثنا من نزل آيات الأعراف=من رؤس قوم ٍ كاسبة كل طائل
واليا نشدني طارش ٍ يبغى الأنكاف=طقيت من زندي خشوم الفتائل
ماني مع ايا شخص بالهرج مزهاف= طبعي قبيلي من طبوع القبائل
الأرض لي أفراش وألي السماء ألحاف=قد شفت بعيوني نجوم القوائل
باسباب من خلفي غدا تقل حذاف=في ليل ٍ أظلم تحت هيش الخمائل
ساق الركايب. ضمّر اخصور وعجاف=بأرض ٍخلاها تضيع فيه الدلاائل
مدري وش المقصود من نصب الأهداف=وأنا ثلاث اسنين أدير المحايل
لكن يابو تركي ترا مابنا اخلاف=والشك والله ياأكبر القوم زائل
أزكى تحايا للجميع
أخوكم :السبع الضاري