ارجو ان تحوز على رضا الجميع
دق الخفوق ودقته قل الانصاف= كنه بصدره لاثقل الحمل شايل
والنبض لاسرع جاب للقلب الاتلاف= ويتلف معه عوج الضلوع النحايل
ولادق من سبة هو ناب الارداف = نجل العيون منقضات الجدايل
ولا قل مال ولا على العمده خلاف=من فضل من ينشي صدوق المخايل
اسباب مابه من تجاهل للاعراف=وحط الستار وطم كل الدلايل
وانقمت انشد عنه نايف ونواف= ماحدن يجيب علوم واف الخصايل
كلٍ يقول انه مايسمع ولا شاف= تقول موصيهم بقطع العقايل
وقعت انتف لي علومٍ تنتاف= من ناس ماجابت علوم ٍ صمايل
احدن يقول السبع يسكن بالاطراف= وحدن يقول بعيد يسكن بحايل
واحدن يقول اليا نظر قدم وخلاف= لابان الاحمر كل يومٍ يخايل
وكثرة علوم اتخلي السبع ينعاف= ترست بالنشده دروج وفايل
النا طلب كان الطلب مابه اجحاف=توضيح يرسل مع سريع الوسايل
رد العلوم اللي سليمات ونضاف= وانا اتحرى بالبريد الرسايل
السر محفوظ وتريح ولا تخاف=مادام راسي ثابتٍ ماهو زايل
وكانك رفضت اقول يالله يخلاف= تعوضني في نشدتي والمثايل