بسم الله الـي كـون الارض والكـون
الواحـد المعـبـود جــلّ جـلالـه
ناصر عصى موسى على سحر فرعون
مهلك جيوش الـروم واهـل الظلالـه
ومن بعد بسـم الله وابليـس ملعـون
ابـدا ببـدع القـاف وانقـا جزالـه
ابيات شاعر يكتـب القـاف مـوزون
مايخذلـه شعـره ليـا جـاء مجالـه
للشيخ عبدالله بقصـد(ن) ومضمـون
ومضمونها مـدون بنـص الرسالـه
راع الفعايـل طيـب الذكـر مايهـون
عبـدالله لاركـب الرشـاء بالمحالـه
من روس قوم(ن) بالمواقيف يحـرون
معـرّب الجـديـن جــده وخـالـه
نفخر وتفخربـه رجـال(ن) مسمـون
ابـن علـي راع الوفـاء والشكالـه
وكل النشاما بطيـب فعلـه يشيـدون
رجيـح عقـل وكـل جـزل يعنـالـه
يبقى ويبقى الفعـل بالشكـل والـون
وسـام عـز وفخـر لـلـي ينـالـه
والمدح لاهل الطيـب واهلـه يوفـون
وعبدالله اولـى فيـه ياهـل الجمالـه
واسلم وتسلم والعـذر كـان مايكـون
ان كـان قصّـر قافنـا فـي مقـالـه
وختام قولـي عـد ماتنشـي مـزون
صلّـوا علـى محمّـد نبـي الرسالـه
==================