اعزائي انقل لكم قصيدة من قصائد الشاعر الكبير خليف الوهيداني
امل ان تنال اعجابكم
دوني ودونك حالت ظروف دنياك=وانا بعد دونك حدتني ظروفي
بس اعرفني لو انا غبت منساك=مادمت حي ودام عيني تشوفي
اغليك والله بالغلا اكرمك واعطاك=ونزل غلاك بوسط قلبي وجوفي
لو ماهدفك رضاي انا همي ارضاك=وشتاقلك لو ماتشوف امعروفي
اسج وسرح مع خيالك وذكراك=ذكراك مابه يوم عني تطوفي
افرح بشوفك وتهنا بلقياك=ولامل لوطول بجنبك وقوفي
قليل(ن)وصفك ولا شوف حلياك=بس انت عندي كامل(ن)بالوصوفي
لاعلني ماذوق بعدك وفرقاك=تكفى بحالي ياحبيبي ترؤفي