في وقت ضيق ولآني لاقي أخراجه .. أقــول يالله يـاربـي تعديـهـا
يامل صـدر بـه النيـران وهاجـه .. والعين مـن ونتـي تهـل مافيهـا
تعذر الطب في قلبـي وف علاجـه .. وعروقه التالفه منهـو يدوايهـا ؟
فكرت في دنيتي وف أيـام منعاجـه .. وأفكار راسـي تعنينـي وأعنيهـا
كم واحد طامـع يلبـس بهـا تاجـه.. قصده يكحل عيونه ميـر معميهـا
الخاسر اللي يخالـف درب منهاجـه .. وأيام عمـره تضيـع ولايعزيهـا
وكم قبلي آجيال خراجـه وولاجـه ..وأتلى مداهم قبـور مانـرى بيهـا
المسعد اللي لاضاق الصدر وأحراجه.. المسعد اللي فروضه دوم يصليهـا
وختامها مابغيت من الزمـن حاجـه.. غير العفو من اله الكون وباريهـا