مشهد أحزنك وما زال عالقاً بذهنك؟
لما صار على امي حادث سياره وشفتها تتألم ولا قدرت اسوي لها شي
أكتب ِ 3 رسائل لأشخاص تظن أنك أخطأت أوقصرت بحقهم؟
اول رساله للغاليهـ
بقوول وربي بضل مقصره بحقك طول عمري
ثاني رسالهـ
لنفسي بقول انا عارفه اني تعبتك معاي كثير بس استحمليني *ــ*
ثالث رسالهـ
لاي شخص اخطيت عليهـ بيوم من الايام اقول سامحوني
ثلاثة أشخاص تختارينهم لمائدة إفطارك؟
كثير اللي بختارهم وحياكم الله جميع
شخص يحرص على تزويدك بآخر الأخبار والمستجدات؟
==>اختي الصغيره cnn
واخر لا يخبرك حتى تسأله ؟
امي واخوي الله يحفظهم
==> اسحب الاخبار منهم سحب
من أخبرك بدخول الشهر؟
مدري نسيت من قال لي
موقف طريف حصل لك في رمضان؟
موقف طريف وبنفس الوقت بكاني
اللي هو قبل كم يوم لما عاندت خالي وشربني كوب الحليب غصب عني وانا ابكي وخواتي يضحكووون
===> معقده من الحليب ما تشربه
شيء في المجتمع تتمنين زواله؟
الحقد والحسد والغيره وطبع الحرباء
شاعر تقولين له استمر؟
كثير كثير كثير
وآخر تقولين له توقف؟
شعراء المرتزقه وشعرالالفاظ السوقيه
الكمبيوتر ما هي أبعاد علاقتك معه؟
وثيقه جدا جدا
نصيب شبكة بني عبس من برنامجك اليومي؟
من 10 الى 12 ساعه
كتاب تحرصين على قراءته؟
امهات كتب التفسير والفقه وجميع كتب محمد العريفي
قاعدة لا تتخلين عنها؟
عامل الناس مثل ما تحب ان يعاملوك
أول شيء تتذكرينه مع دخول رمضان؟
ايام طفولتي
الخوف متى يجتاحك ؟
اذا اذنبت او اخطيت في حق احد
عضو بالشبكة تدعينه لمأدبة الإفطار؟
ايمو حياك الله قولي تم يالغلا
بعد الإفطار بماذا تفكرين؟
بصلاة المغرب
ماذا تريدين من هؤلاء:
الجهاز الإداري بالشبكة
الله يعطيهم العافيه وما قصروو
وكلكم راعٍ وكلكم مسؤلٍ عن رعيته
الأعضاء
استمروو في بذل العطاء
ومعاً يدٍ بيدٍ لنرتقي
كلمة في نهاية الحوار لمن توجهينهاا؟
لك يا ذيب الحجاز ويعطيك العافيه على هالاستضافه الكريمه
واتمنى اني كنت خفيفة ظل عليكم
واعذروني على القصوووور
لكم تقديري واحترامي
ونحن بدورنا نشكر ضيفتنا الاخت / ادري طيبتي غلطه ، على حسن الاستضافه وكل عام والجميع بخير