الشاعر صالح بن عبد الله العويمري المعروف بلقب ( معينان )
من شعراء بني رشيد المشهورين , وشعره من النمط الأول ,
والشاعر معينان من أهل البادية ولذلك لم يحظى بظهور أعلامي
مثله مثل أغلب شعراء القبيله القداما , وهو الآن طاعن في السن
حيث بلغ عمره (80) سنه, ومن جديد المعيني أخترنا هذه القصيده
الذي قالها بعد أن سمع قصيدة من نوع مايسمى بالشعر الغنائي
وكما هو معروف فأن هذا النوع من الشعر ليس له وزن ولا قافيه 0
يامل قلباً هاجمتني طواريـــــــــه = وبنيت مبدأ القاف كله على أشه
الشعر ضاع وضاع حتى مسويه = ولو يتحكم في ثيابي لطشــــــــــــه
لالي يلالي صار هذا العوض فيـه = تدخلتبه ناس قامت تغشــــــــــــه
شعر النبط بالوزن تعرف معانيـــه = غبة بحر ماكل ناسٍ تدشـــــــــــــه
ياللي تحب الشعر ودك تسويــــــه = لازم تحييبه وبعدين عشــــــــــــــه
وان غاب عنك أيام لازم تناديـــــه = وخله على ماتريد نفسك ومشــــــه
شعر النبط ماله طبيبٍ يداويــــــــه = مثل الحتات وجاه سيلاً وقشـــــــــه
يبي السلامه مير كثرة بلاويـــــــه = يجيه ثورن كل دربٍ يخشــــــــــــه
يوم أن مرشد والسديري يغنيـــــه = مثل النبات وجاه مزناً يرشــــــــــه
رجلي تبي المرقاب وأزريت أعديه = تقول منشاراً بقلبي يحشـــــــــــــــه
ياليت عمر العود يرجع لماضيـــه = عقب المكيف لو أجيلي بعشــــــــــــه
آمل أن تحوز على إعجابكم وأستحسانكم ,,,, وسلامتكم .....