الاكحل
من هجوس الشاعر اللي لي وقف يحسب حسابه=ياسلام الله سلامن يصرف جنيه وريالي
ياسلالت عبس ياجمرة عرب يوم الحرابه=طيبكم محفوظ والله من جنوب ومن شمالي
الاشقر
مرحبابك يالمسلم عـد مـا تمطـر سحابـه=في محل الطيب والمعروف من ماض الليالي
يا هلابك وانت شاعر ماقرينـا فـي كتابـه=هات ما عندك وعجل بعد ما جالك مجالـي
الاكحل
البقى ياللي ترحب في محل اهل المهابه=يوم شفت الذيب يقنب في طويلات الجبالي
منتدانا ياوسيع المعرفه كامل نصابه=فيه شفت الكيف كله من قدوع ومن دلالي
الاشقر
كل رجال ن على حجمـه نقـدره لـه ثيابـه=وانت رجـال ن تميـز بالحـرام وبالحلالـي
منتدنـا فيـه شعـار ن يفـكـون الطـلابـه=وانت شد الحيل معهم وأمش في درب الجمالي
الاكحل
ابك انا من عبس والعربان خنذف مع شبابه=وانت يالاشقر تفرق بالبعيد وبالموالي
منتدانا فيه جحش وفيه سبع وبه ذيابه=والاجابه دايمن تأتيك من نظم السؤالي
الاشقر
ونعم واثرك طلعت اليوم من ربع وقرابه=والولد لا طاب طيبه احسبه حسبت عيالي
كلهم شعار مير الوقت هذا وش جرابـه=يظهر الاول على الثاني ويشدون الرحالي
الاكحل
الرجل لازم يفرق في طعامه مع شرابه=وانت في حسبت عمامي وان بقيتك من خوالي
الشعر قامت تغني به وحوشن وسط غابه=والدعاوي كلها مابين حط وبين شالي
الاشقر
هرجتك هذي غريبه في مداخلها غرابه=بعتبرها غلطة الشاطر وانا ما ضاق بالي
الشعر ما غيره هرج المهبل والغلابـه=مير هدي سرعتك قدام لا يطير العقالي