اخواني واخواتي اعضاء المنتدى اليوم جايبلك قصه من تاليف المتميزه
اختي \بنت كووووول
واتمنى تعجبكم
بسم الله الرحمن الرحيم
اليوم اكتب لكم ثالث قصة من تأليفي ، حيث يدور المحور عن قصة حب و متاعبه ، و بنت في سن
الزهور جمالها يفوق الوصف تعرضت لحادث ادى الى تشوهها ، و انتقام ايجابي !؟!؟ ، ما الذي
سوف يحدث وما سر هالاشياء الثلاثة كل هذا واكثر راح اتعرفونة بقصة """ انتقام ولكن..!!""" ، حيث ان القصة راح اتكون عبارة عن اربع أجزاء وتعتبر من القصص الطويلة .
***انتقام ولــكن...!!***
***الجزء الأول***
تعريف : عائلة بوخالد::: ولده خالد الكبير 23سنة ضابط ، بنته فجر 18 سنة كلية الهندسة المعمارية
عائلة سعد:::اخو بو خالد ، بناته نورا – هلا – سارة ، ولده ناصر وجاسم
عائلة بوسالم::: اخو بو خالد ولدة سالم – وليد ، وبناته سلوى – ايمان - دلال
......... في يوم من ايام الربيع قرر بوخالد و بوجاسم(سعد) انهم يروحون المخيم وياخذون الاهل معاهم ، طبعا الكل قاعد يتجهز للرحلة : ____الساعة 4 العصربيت بوخالد
ام خالد: فجر يلا ما خلصتي ابوج معصب كلهم وصلوا الا احنا
فجر:خلاص يما روحي مع ابوي واخذي كاترين معاكم وانا انطر خالد لين يقوم
ام خالد:اوكي باي
فجر:بايات
...........الكل وصل ما عدا فجر و خالد و ناصر ، الكبار كانوا قاعدين بخيمة والبنات بخيمة والصبيان بخيمة و الاطفال والشغالات كل واحد منهم بخيمة __________الساعة 7المغرب بيت بوخالد
تلفون خالد كان يرن وخالد نايم :
خالد:الو
ناصر: انت لين الحين نايم يلا الاهل رايحين من زمان
خالد:ليش جم الساعة؟؟
ناصر:7المغرب
خالد:ولييييييييييييش ما قومتني يا الدثوي قبل جذي تأخرنا الحين ننزف
ناصر:انا كنت نايم مثلك يلا قوم وبدل انا الحين بمرك البيت نطلع مع بعض
خالد:اوكي باي
ناصر:بايات
................طبعا فجر كانت مستانسة بتروح مع اخوها يعني راح يقحص فيها ، عشان جذي مخليته على راحتة وما قومته من النوم ، بس سوت له خوووش اكل وزهبته له لما يقوم ياكلة .
.......خالد قام وبدل بسرعة عشان يلحق لا يزفونة ، ناصر دق عليه قاله انا عند بيتكم يلا انزل ، خالد واهوا نازل من الدرج بسرعة وقف فجأة.
خالد : انا اشم ريحة اكل معقولة امي مسويته وخاشته لي ، او يمكن مو المغرب الحين وناصر مجذب علي اعرف سوالفه عشرة عمر ، والله يا ناصر لو طلع صج مقلب لا اوريك نجوم اليل الصبح <ونزل على المطبخ
فجر:صباح الخير يا احلى خلووودي بالدنيا
خالد:صباح النور يا فجوورتي ، لا اتقوليلي انتي اللي طابختلي
فجر بابتسامة: صح صح انا طبختلك بس ما راح تاكل بشرط
خالد : ااامري تدللي
فجر: ابي واحنا رايحين المخيم انا وانت اتقحص فيني
خالد: ليش صج الحين المغرب؟؟؟
فجر: أي صج
<<< خالد يركض صوب الباب و يدخل ناصر (فجر مو متحجبة على فكرة)
ناصر:هاذي سالفة اتسويها ساعة انطرك بره <ويطق خالد
خالد:شسوي مو مني من فجووورة قاعدة تتشرط علي ونستني انك بره
ناصر:احلف عاااد انا ما اشوف غيرك بالبيت
<<طبعا فجر اركضت فوق عبالها رفيج خالد
خالد يتلفت : بس توني اسولف معاها حتى قالتلي انها تبيني اقحص فيها
ناصر:هههههههههههههههههههههه الظاهر لين الحين تحلم اصحى محد غيرنا موجود
<<خالد اقتنع بكلامه لانه اصلا كان دايخ
ناصر:يلا خلنا انروح لا ننزف زفه محترمة
خالد: يلا توكلنا على الله
فجر واهيا نازلة لانها تاكدت ان ناصر مو صديق خالد تحت : وين رايحين مافي طلعه من البيت الا لما تاكلون الاكل اللي طبخته.
خالد لف على ناصر و بنظره حقد : ههههههههه الظاهر انت اتحلم (يقلده)لو رايح عن اختي
فجر: لا والله كنتوا بتروحون عني
ناصر : اشدراني قالولي ان بس انا و خالد اللي مو موجودين ااااسف
فجر: مقبول اسفك وااخر مرة يلا اكلوا الاكل اللي طابخته لكم
............... قعدوا سوالف وضحك واهم ياكلون الاكل ___الساعة 9 مساءً بيت بوخالد
دق تلفون فجر :
فجر: الو
نورا: فجر انت وينج؟؟
فجر: بالبيت ليش؟
نورا: شنوووووو؟؟ لين الحين ما طلعتوا بالمخيم قالبين الدنيا عليكم
فجر: نسييييييت يلا يلا الحين اطلع باي
نورا: لاتتأخرين بايات
.................................................. ..........
فجر: يلا قوموا نسينا المخيم
خالد وناصر بشهقة : يلا بسرعة
يتبع