هذه القصيدة بالذيب
ياذيب كن اعواك ماودي اوحيك=واليا سمعت اعواك قلبي يلجي
وياذيب ماني غاوي اللي يعويك=كما واحد من حسته مستمجي
عساك مانته فاقد اهلك وغاليك=مدري قنيب الياس والا ترجي
اصبركما صبري على كل مايجيك=والله ينادي بالسعدوالفرجي
انكان نداك جوع تعال اعشيك=وابيك تسكن عندنا ماتهجي
اقدم الماجودوالله يحييك=ورزقي على اللي ماش دونه ملجي
واليا بغيت تروح قلي واخاويك=ودي بدرب الذيب مع كل فجي
ابايعك واعادي اللي يعاديك=ومن وين ما سجيت حالفلا سجي
شوقتني يا ذيبما ازين معاديك=اليا اختلط بالليل برد وعجي
ولا تصبح الا في علاوي محاجيك=واللي يبي يقتلك ياذيب دجي
ياذيب لاتوذي عليه ولا اوذيك=في راس مرقاب الخلا نندمجي
وان جاك ضذه من عدوك ما اخليك=وعيب على اللي خوته ماتنجي
يا ذيب عاهدني واعاهدك ما ارميك= وان بقت بايق في صيامي وحجي