اعذرونا على التأخير --والله يعين --
واهدي لكم هذي
7
7
7
ياهيه ماهي مسألـة وقـت واروق=المسألة طالت وانا خاطري ضـاق
اقول خير وكل مطـرود ملحـوق=واحيان اقول الليل ماعقبه اشراق
اطرد سراب وكل مالاحت بروق =تقول كن الوقت يصفعني طراق
يحدني وقتي علـى المـر واذوق=جرعة امل ياعلها تكـون تريـاق
البارحه يسري بي الشوق وافـوق=وارجع واسريها مواويـل عشـاق
جاني نذير الليل في غفوة المـوق=يقول لاتامن على نفسـك فـراق
راحت وانا مالي مشاريه وحقوق =الموت اخذها من يدي بلحظة عناق
فزيت من نومي وانا اصيح مخنوق=لاعاد حلم نقض جروح الاعمـاق
انا احسب اني مطفي جمرة الشوق=والشوق غافي لكن البارحه فـاق