دخلت طالب بمدرسة التجارب صغير^^^ نصيحة من صديقن صادق مع صديـق
وحفظت درسن شرحه أستاذ علم وخبير^^^ والله يوفق صديق دلني بالطريق
حتى عرفت أختصر دربي ليصبح قصير ^^^ وبأسرع وسيلة يبين من الحجار العقيق
يكفي تحملت من قاس الليال الكثير ^^^ لكنها خلــــت القلــــب المـــــغفل يفيـــــق
وخلتني أعرف رجال يجبرون الكسير ^^^ وخلتني أعرف رجال بالوسيعة تضيــق
والتجربة خير برهانن لمن يستشير ^^^ وتكشف لك التجربة وين العدو والصديق
ويازين لطم الحقيقة للنذل والحقير ^^^ وياقل كلمة نعم للي يبل لك ريـــــــــــــــق
والحر حر ولو بالأرض عالي يطير ^^^ وإلا الرخم تاجده حول الفطيس بنعيق
قم بالتجارب مع رجال معاهم تسير ^^^ يبين لك من يطيق الحمل ومن لايطيق
وليا تبين رفيق العز مسه بخير ^^^ ووقــف معه وقفت أخوان الشقيق لشقيق
هذا ترى ليا نشف دمك يجي لك يغير ^^^ ويفتح شرايين دمه لك بدم دفيق
هذا صديق تشوفه بالنهار الكبير ^^^^ ماهي صداقة كثيرين الكلام الرقيق
يالعنبو رجل ماينفع بيوم عسير ^^^ صداقته بالرخا ماني عليها شفيق
لياصار ماهو على الشدة يجيله زفير ^^^ وتفرح بشوفه بساعات فرجها غليق
ودورات الأيام دارت للغني والفقير ^^^ وكم غافلا غرته دنيا الفنا والبريق
لا لا تحسبن دوم الدرب ورد وحرير ^^^ ولا لا تحسبن راع المال حرا طليق
قلي قبل سبعمائة عام من هو شهير ^^^ ومن حط بالمجد له تاريخ فعلا وثيق
كم من رجلا ليا أظام ليل غدرا تنير ^^^^ وتكشف لك الدرب لاضاقت وتسعف غريق
وخذ رأيي وحط لك في كل ديرة سفير ^^^ترى المعرفة تكوِِن في الشدايد فريق
هذي شهادة نجحت ونلتها من الشوير %%% اللي نصحني بها لأنه نصيح وعريق
وختاها أزكى تحية والسلام الوفير %%% على نبي بعثه الله بحق وحقيق
/
سارح بن فرحان ابن
جحيل القعبوبي