السلام عليكم ورحمة الله وبركاته
الي بقا لك داخل القلب صوره= بعد الغلاء والود حيره وفرقا
مدري خذاك الغير والا الضروره= الله كتب فرقاك تلقا ونلقا
لوكان بذكرى علينا خطوره= اما شقينا فيك والا انت تشقا
لابد ماقلبك يراجع شعوره = ولا بد ما دمعك على الخد يرقا
قلبي هواك وصرت همه ونوره= ووردك على شاطي وريدي تسقا
لاكن قطفت الزرع باقصى جذوره= حرام وعروقه بدمي يسقا
ضحك عليك الى خذاك بعروره= وانته وانا وزرع غرقا وحرقا
عياده بن محمد العجوني الرشيدي