[فيصل ابن عدله]

[frame="7 70"] أقول تبنا يا قصيدي .. ولا أتـوب[/frame][frame="7 70"]
دام الزمان يوجـه الشـوف يمـي


كم من كلامٍ لا طلع مات مصلوب ؟
وكم من كلام يموت من دون فمي ؟!


ياصاحبي كن الحوايج غدت ثـوب
وكن الفقـر دلاّل بأطـراف كمـي !


والليل يشرب من فم الفاقه إذنـوب
كيف أنحر العزه وأسميه عمـي !؟


والحاجه اللي خلت الكلب محسـوب
تنبـح علـى جثـة عزيـزٍ بدمـي


هذي عيوني للمسـاء كلهـا دروب
يا أول دروب العمر لا طحت تمـي


تعبت أمشي داخلي لحظـة غـروب
تعبت أنا أسئل كل ما أحتجت ظمي:


ليه الفقير يفصّل ال ثوبه جيوب؟؟!
ياجيوب فقره من عنا الوقت لمي !!


ياصاحبي واللي رفع هالسماء نوب
أحس فيني حـزن ماهـو مسمـي


وأحاول أغسل من عنا يومي قلوب
وأمرر الضحكه على عيـون أمـي


وأرجع وأحاول قد ما فينـي أتـوب
وكل الكلام يموت مـن دون فمـي


والحاجه اللي خلت الكلب محسـوب
تنبـح علـى جثـة عزيـزٍ بدمـي

الشاعر : احمد عايد البلوي



[/frame]

الموضوع الأصلي: ليه الفقير يفصّل الثوبه جيوب | | الكاتب: فيصل ابن عدله | | المصدر: شبكة بني عبس