[فـ عتيبه ـارس]

قالوا تعلمـت قلـت عنـاد وفراسـة=أعانـد النفـس والدنيـا وأصارعهـا

ودرست في مدرسة من شيبت راسـه=دنيا العنـا اللـي قصيفـات مطامعهـا

تلميذهـا دايـم تكـتـب بقرطـاسـه=وتعطيه جملـة دروس مـا يضيعهـا

والله عطانا نظـر وشعـور حساسـة=ناخذ علـوم المعرفـة مـن مراجعهـا

ونسايـر الوقـت ونقيسـه بمقياسـه=ونمشي مع النفس بالواقـع ونقنعهـا

وترى حياة الفتى مهما قـوى باسـه=محفوفـة بالخطـر والمـوت تابعهـا

من مبتدى العمر لامـا يلفـظ أنفاسـه=يمـر فـي مرحلـة تكثـر زوابعهـا

أول حيـاة الفتـى تدريـب ودراسـة=تكثر ظروف الحيـاة وينشغـل معهـا

وثاني حياة الفتى مشـوار وعساسـة=مسيرة فـي عجـاج الوقـت يقطعهـا

وآخر حياة الفتى يرجع علـى ساسـه=النقـط ة اللـي بـدا منهـا يراجعهـا

يرجع لسن الهـرم ويضيـع الطاسـة=ويمشي مع الأرض ويخطط شوارعهـا

والا تلاقت متونـه وارتخـى راسـة=ضاعت جميع العلـوم اللـي يجمعهـا

الموضوع الأصلي: قيصدة رشيد الزلامي اللتي قال بأنه بدعها في اقل من نصف ساعه | | الكاتب: فـ عتيبه ـارس | | المصدر: شبكة بني عبس