عمري عند شطك أستغيثك واشتكيك
من عيونك عذبتني وجننتني وابتليت
يوم جيتك من بلادي ودّي اني ما أجيك
لنّك انتي مهملتني وماتبالي ليه جيت
مالمحتي في عيوني طفل نايم في يديك
تدري انه كان يكتب في عيونك ألف بيت
سقت روحي لك مودع عند بابك وارتجيك
ودي امسح جفن عينك به سوادٍ مستبيت
لاتبيني للكواكب يحسدنك ناظريك
لاتقولي (إنك اجمل) قولي (اني مارأيت)
طول ما انتي جاعلتني بس اهوجس بس فيك
ودي اكتب لك قصيدة واحلف اني ماوفيت
أحلف انك لو زعلتي كل شي يرتضيك
واحلف انك لو رضيتي ... من طموحي إنتهيت
نار شوقي جننتني أشتكي لك واشتكيك
ليه انتي سالبتني كل عقلي وما نسيت
الشاعر // فيصل حمد البركي