[عبد الرحمن خضير]

[poem=font="traditional arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لي شرهة(ن) طاحت على حد لابه=مالله رماها بكاسبين النواميس

طاحت مابين مكونين العصابه=اللي مجالسهم مجالس هلابيس

كلن مفاتيح الردى في ثيابه=صعلوك ماعنده مراره واحاسيس

قاموا بها اللي يحكمون الاصابه=ضاعت مابين مجودين المتاريس

من يعبد القرش الحمر لاتهقابه=عده من حساب العذارى المناعيس

ادعس عليه ولاتقرب لبابه=يعديك بـأفكـآر الخنا والوساويس

ترى الثعل ماهو شبيه الذيابه=لو قلد بممشاه عنتر وابا قيس

اسمه ثعل واقرب ردى في جنابه=متعود(ن) للدحلسه والحساحيس

دندوف لاحصل مكان انزوابه=ماهو من اللي يحرقون المحاميس

والثور ثور ولاهبابي هبابه=ماجالس الا طيبين المجاليس

اللي يعزون الخوي والقرابه=روس الرجـآل مبعدين آلمرآميس

وبيت الوفا والطيب ماهو خرابه=تلقى به اللي طيبين المقابيس

تلقى به اللي باللقا ينتخابه=حر ولد حـرآ بعيد المناطيس[/poem]

الموضوع الأصلي: لي شرهة(ن) طاحت على حد لابه | | الكاتب: عبد الرحمن خضير | | المصدر: شبكة بني عبس