[فيصل ابن عدله]

لون الزمن يرحم المسكين واحواله

ماسال دمع اليتيم اللي علـى خـده

لكن الزمن شيـن والايـام ختالـه

ياجب علينـا نعـد لوقتنـا العـده

ياجب علينـا بمااوتينـا انتصدالـه

بالفكر ماهو في الانكـار والصـده

الوقت يحبل لنا فـي كـل محبالـه

يوم الرخاء تقتفيه ايام مـن شـده

وقت الرخاء فيه بعض ايام تقفالـه

تضحك وتبكي وتبحث خافي السـده

الوقـت غـدار فـال الله ولافالـه

معروف بالغدر والتنكيل مـن مـده

ماكل واحد عطاه الوقـت وصغالـه

لابد يوما على درب الوزاء يحـده

لابد يوما يشـوف المـر وشكالـه
ان كـان مامـات لابـده ولابــده
والتاجر اللي يحوش ويكنز اموا له
يكد ويمـوت ماغلـق مـن الكـده
ان كان معطاء الضعيف وفكك احباله
شيئا بنـاه الدهـر ملـزوم بيهـده
اكبر دليل الرجل يقفي عن اعيالـه
ويصد لوكان مـاوده فـي الصـده
الموت ياتي وكـلا دوبـه اعمالـه
كلا مفصل له الباسـا علـى قـده
في موقفا مانفـع عمـه ولاخالـه
الموقف اللي بـه الانظـار محتـده
واقلبي اللي من الهوجـاس يرثالـه
في داخله مثل حرب الروم والـرده
ماينعرف وين مخراجـه ومدخالـه
والصبر عندي ترنه واصـلا حـده
والادمي لو يموت بفقـره اشوالـه
محدا طلـب منـه لاهاتـه ولاوده