[رائد الذيابي]

على الله يامشاوير الضياع وعثرة الاقدام .....
يعين الله على عوج الدروب وباقي ايامي ,,,,؟

على الله كل ماشان الزمان وخانت الايام
على الله كل ماشوف الطريق يضيق قدامي

على الله كل ماصدري يضيق وخاطري ينظام
على الله كل ليله حزنها يعزف على انغامي

مقدر ياشقا عمري اسير برحلة الاعدام
واضم بداخلي نار الخفوق وجمرها حامي

حزين ولا معي غير الجروح ولوعة الاعوام
على وجهي تقاسيم الضياع ولوعة اعوامي

حياتي كلها رحلة غموض ونقطة استفهام ؟
طلاسم خطها كف الزمان لعثرة اقدامي

بقالي من مسافات السنسن المقفيات حطام
بقايا امنيات وحسرتين بسلة حطامي

بقايا طفل رافقه الشقا من يوم عمره عام
تحدته الليالي والضروف وعاش منضامي

غرير لاكسا الكون الضلام اطفا السراج ونام
وصحى يحلم متى اكبر كبر ابوي وباقي اعمامي

عنيد ليا زعل شق الكتاب و كسر المرسام
وجلس يصرخ عبث وين الكتاب ووين مرسامي

شجاع مارضى يصبح ذليل ولا رضى ينظام
رغم كبر الضروف وصغر سنه موقفه سامي

قدر يرسم بصفحة دفتره (قلب) و (وطن) و(اعلام)
وكتب فوق العلم / عاش الوطن في ضل حكامي/

حفض من ربك ؟ الله لاسواه ودينك الاسلام
ونبيك هو رسول الله محمد خير الانامي

يمر العمر وتمر السنين برحلة الالام
وجروحي تشرب اوجاع العذاب وخافقي ضامي

كبرت وكبر همي والجروح وكبرت الاحلام
وطموحي هو طموحي يازمن واوهامي اوهامي

نسف كف القدر رجم الطموح وبعثر الاوهام
وتلاشت مابقا غير القصيد وجرة اقلامي

الموضوع الأصلي: بـــقـايا طـفـل رافـقـه الـشقا مـن يــوم عــمره عــام ......؟ | | الكاتب: رائد الذيابي | | المصدر: شبكة بني عبس