هـــذا أنـــا وهـــذي حـيـاتـي بـلـيـاك = ضايـق وشاقـي فـي زمانـي وحـايـر
ميـت مـن بعـادك وأنـا ميـت أبـغـاك = وارد حــســره وتـغـديـبـي حـســايــر
سرت بي أوجاع الزمن بعد مسراك = تـكـونــت واسـتـوطـنـت فالـضـمـايـر
عـلـى رجــاك وفـالــدروب اتـحــراك = ليتـك تجـي وتشوفنـي كـيـف صـايـر
في كل شي أشـوف زولـك وذكـراك = واشـوف وجهـك كلمـا شـفـت زايــر
شـلـت العـزايـر كلـهـا بـعـد فـرقــاك = معقـول ترضـى لـي بشـيـل العـزايـر
حتـى العبـايـر تنسـكـب لــك تـرجـاك = شفـت المـذلـة كـيـف حـتـى العبـايـر
أثـــور لاجـابــوا مـجـالـك وطـريــاك = والا انت اظنـك لـو اجـي منـت ثايـر
أشوف جورك واتشفق على أعـداك = الله يعـيـن الـلـي تـجـي مـعـه جـايـر
أسـرار قلبـي معـك مـا عـاد تخفـاك = كشفتـهـا مـــا عـــاد فـيـهـا سـرايــر
وقتـاً قضيتـه بأجـمـل العـمـر ويــاك = بـدلـتــه الـفـرقــا بــشـــي ٍ مـغــايــر
واقف وأشوف الكون داير والأفلاك = وآثـرك بوصلـك داخـل الكـون دايــر
اللـي لـو تمـوت بترجـيـه مــا جــاك = مـا هـو بحاصـل بالمكـر والمسـايـر
وانته غديـت وبالهجـر قلبـك اغـداك = ياشيـن زرع الطيـب فـي قـاع بـايـر
وهــذي حـيـاتـي مـعــك والا بـلـيـاك = ضيـقـه وتشتـيـت وهـمـوم وعـزايـر
... قصيده للشاعر مرزوق الروقي . تحياتي