[مسندالعويمري]

[POEM="font="Simplified Arabic,5,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

العشب في قلبي من الهم مدهر=كل السحايب قشعت وامحل الموق


كل العيون تنام وانا اللي أسهر= كن السهر مخلوق لعيون مرزوق!!


أصيح وصياحي على الخلق يجهر=ولا احد يربت كتفي اليوم برفوق


ليلي طويل ودربي صخور وانهر= والرجل من طول المشي صابها عوق


أمشي بغدرا وجهها لي مكفهر=واضم حزني كل ما لاحت بروق


صحرا شركني مشيها الذيب والهر= والطيب ما يكتب على وجه مخلوق


ياما خدعني شوف زول ومظهر= وياما خدعني حلو حكي ومنطوق


ضاعت سنين العمر ايام واشهر=وانا أمني نفسي بيوم ملحوق


عفت الحياه وعشت بايام تقهر=ما غير اطالع حفرة القبر من فوق


حتى سيوف الوقت للقلب تشهر= ضره طعون الوقت سوت به شقوق


ما كنت اظن شمس السعاده بتظهر= وتنير ظلما العمر بانوار وشروق


الين جتني شيخة الزين والطهر=وحلت على دنياي بالحب والشوق


كل الحلا فيها يجنن ويبهر = بعد خطفت عيني غداالقلب مسروق


ذاب الفؤاد بحبها قام يصهر= يصب شهد الحــب وبكفها تــذوق


حزني تطارد كنه خيول وامهر=ولى زمان الدمع ياعين مرزوق


العشب في قلبي نبت ثم ازهر =بعد المطر والورد ينبت بالعروق[/POEM]

صح لسان شاعرها

وسلمت يد ناقلها