قصيده بوالدي
يقول اللي إذا شال القلـم دانـت لـه الأفكـار
ولد رابـي مـع الأشعـار فاهمتـه و فاهمهـا
لقى بعد العنى كنز القصيد و حـار ثـم اختـار
ثمين اللفظ و استبعد مـن المنظومـة أقدمهـا
ورث عزّ القصيد من الرجال اللي لهـا مقـدار
على نظم الكلام و شاف سحر الشعر في فمهـا
ألا يا بو خالد الوقت جايـر و القـدر جبّـار
زمان اغبر غدا بأسعد ليـال العمـر يرجمهـا
أخذ مني عيون دون علمي بأوسـط المضمـار
على درب الحياة و دنيتـي تشعـل ضرايمهـا
أبوي اللي رحل ما أقدر على فرقى عماد الـدار
أبوي اللي ليـا عـدّوا رجـال العـزّ يقدمهـا
رجل وافي لقومـه مجلسـه مزحـوم بالـزّوار
قبل نطـق الكـلام يرتـب ألفاظـه و يحكمهـا
و أخوي ابوي في زهرة سنينه واجه الأقـدار
فراقه شال كـل أحلامـي الحلـوة و حطّمهـا
وسيع الطيب سلطان المجالس حرّ و ابن أحرار
رجل فاهم وصـاة أبـوه مـا غيـر معالمهـا
ذخرته لليال السود و اثر الوقـت بـي غـدّّّار
خذ روحي و في وجهي خيوط الحزن يرسمهـا
و أنا المحروم و المظلوم و المجروح للي صار
و هذي دمعة أذرفهـا و ذي دمعـات كاتمهـا
عسى مثواه الفردوس دار الخلـد و الأبـرار
عسى يرحمه اللي خافيـات الصـدر يعلمهـا
( بليت بموته ) و الصبر ضاع من الذي صبار
و لكن حكمة الدنيا : رجـال الطيـب نعدمهـا
الشاعر/فيصل البركي