تساوت البارح بعينـي.. ليـن شديـت الرحـال
قلت اقطع احدود الخيال.. ورزق ابن آدم يجيـه
دام إن قانون الحياه.. العز فـي خشـم الريـال
حنا بدو عاداتنا .. ورث الولد من طيـب أبيـه
رصيدنا طيبٍ نسوقه.. سـوق لقـروم الرجـال
ولا حسبنا حساب .. مليونير .. وريال .. وجنيه
نمسي تحت جنح الظلام ونصبح بروس الجبـال
نضوي على عز وشرف .. نفلح اليا نام السفيه
ريوقنا زبد وتمر .. مع كيف في صفـر الـدلال
يوم ان كيف أهل الترف .. حليـب + نسكفيـه
نشقي ونكدح كل يـوم ..وناكـل اللقمـه حـلال
وطموحنا من يوم نصبح .. كـل رجـمٍ يعتليـه
وعن حر شمس القايله ..ماندور أطراف الضلال
النفس نردعها قبـل .. لا تجرنـا للـي تبيـه
صحيح عشنا في كبد .. لكن عسى ذيك الليـال
تبقى معالمها علـى .. وجهـاً معالمهـا عليـه
حتى الى مر العمـر .. تصيـر درسـاً للعيـال
يلقون بصمات الفخر ..في وجه من قصرت إيديه
وصحيح دنيانا عجب .. يال العجب والحال حـال
ولا عاد ندري يحتوينـا .. ظلمهـا او نحتويـه
مادامها استجهلـت .. مبـدا كريميـن السبـال
وتجرأت تلمس شنب .. باشا وكان البيـه بيـه
وشلون نامن غدرها .. والبرق في وسط الخيال
يلوح والمرعد قرب ..والسيل يجرف ماغشيـه
شاعر / فيصل البــــــــــــركي