الموضوع: قصيده لأبن عون
عرض مشاركة مفردة
  رقم المشاركة : [ 1  ]
قديم 27-07-2008, 03:27 AM
فلاح الرشيدي
كاتب وأعلامي
الصورة الشخصية لـ فلاح الرشيدي
رقم العضوية : 3099
تاريخ التسجيل : 28 / 12 / 2007
عدد المشاركات : 2,672
قوة السمعة : 20

فلاح الرشيدي بدأ يبرز
غير متواجد
 
الافتراضي قصيده لأبن عون
يامل قلب(ن) ٍ يسج وفيه دولاجه
من هاجس(ن) ٍ بالضماير قام يدرجها

في معزل(ن)عن جميع الخلق وازعاجه
ما اسمع من الناس لوتكثر لجالجهـا

ماغير اهوجس تقول مضيع(ن) حاجـه
آخذ واسند على روحـي واهرجهـا

وادوج لوكـان مارجلـي بدواجـه
ادلّـه النفـس ليـن الله يفرجـهـا

يالله يالي بيـدك الضيـق وافراجـه
ياخالق الخلـق ياقاضـي حوايجهـا

تفرج لعين(ن) ليا نامت بسوهاجـه
تجهز عليها الطواري لين تزعجهـا

نوب سهرها شديـد ونـب نهاجـه
ومر تكن الدمـوع ومـر تزعجهـا

عليك ياللـي بقلبـي كـن وهاجـه
وهاج نار هوى الغربـي يسارجهـا

أبـو ثمـان تشـاد اللولـو لعاجـه
كن البرد يوم تضحك فـي مفالجهـا

ياروح روحي وجرح القلب واعلاجه
ألطف بحال(ن)عليـك الهـم ساهجهـا

قلب(ن) يناجيك بسلوب الهوى ناجـه
يشكي لك الحال داخلهـا وخارجهـا

اما تجمل وتم الوصـل بمواجـه
والا بـلا عشـرة هـذي نتايجـهـا

وش ينفعك من حنين القلب وخلاجه
وجروحن انت سببها ولا تعالجهـا


عبدالله بن عون
الموضوع الأصلي: قصيده لأبن عون | | الكاتب: فلاح الرشيدي | | المصدر: شبكة بني عبس




توقيع فلاح الرشيدي

 

 



Facebook Twitter