[بحــ الخليج ــر]

اقتباس من مشاركة الجحش بيض الله وجهك يابو تركي وافي والوافي طول عمره يبقى وافي وانا خوك واعذرني على التاخير طال عمرك دكت على الهاجس شياطين وجنون = والشعر سامي والحكم معجزاته مجنون ( لاوالله ) ماني بمجنون = لكن زماني سبعه امعلقاته واتيت وشعاري اكون اوّ لاكون = مستبسلٍ مسترسلٍ مرسلاته الليل ابو ساتر مثل مايقولون = والذيب لولى الليل ماشال شاته كذا خٌلقت وهكذا اموت ممنون = والبير سرّه داخل البير ذاته وارحل ويبقى لي على الدار مسنون = يحكي عن الماضي وعن ذكرياته ماني ببن خلدون ولا ابن لعبون = انا الجحش وجه الزمان وسماته والي على الاسم الكبير ايتسمون = من حقهم لكن يسوو سواته والي لياغاب الجحش يستضيقون = اكيد يبكون الجحش في مماته والي على موت ابن جحشان يبكون = ادموعهم مجد الزمان وثباته والي يناور كل ماباح مكنون = ماهوا بحاجب نور بمناوراته يبقى كماهو ساعة العسر والهون = وان مابقى تلحق بعيره عباته واصحابي اللي علمهم عطّر الكون = يوم اشعلو جو الحفر ومسياته اشيد فيهم مثل ماهم يشيدون = هذي حلات العمر هذي حلاته ماهم من اللي ينظرون ويصدون = خطواتهم فيها ثقات وثباته ابن سرور اللي بوقت القسى عون = وبن اسكات اللي على الكيف جاته وأشكر بحرنا اللي به اللول مخزون = من طب بامواجه صعيبه نجاته الشيخ ابو تركي سند كل مغبون = ريف الرفيق اللي بعيدٍ مباته واشكر جميع اصحابي اللي يسالون = عني وانا المتشتت اجمع شتاته

طيب صح لسانك واعتلا شانك على هالمعلقه وانت دايم مبدع وهذا اللي يهمنا المهم والمطلوب هو الابداع والجزاله سواء كان اسمك الجحش والا البعير والاالحصان والاالخبل والاالمجنون ياخي الفعل هو اللي يلمع الاسم ويعيه المعنى وليس الاسم هو اللي يصنع الافعال وكلنا سمعنا في كليب والجرو والعير والحصني والفارس المشهور الجحيش وكلهم فعوولهم مشرفة واشهر من نار على علم وانا بصراحة ماشوف بالاسم اي غرابه .ولك اجمل تحية