يالسبع حنا في زمان المحابـات=جامل لونك شفت شيـن غبنـا
حتى الخبول يدورون البطـولات=كل ٍ فزع بالسيـف منـا ومنـا
ولا تفسرون العلم ياهل الروايات=يم الرجـال اللـي بدنهـم بدنـا
الضلم دمرلـه بيوتـن رفيعـات=والصدق عز اللي لنهجـه تبنـا
ونا رفيقك بالسنيـن القديمـات=قدام ضعنـك لايفـارق ضعنـا
مايخلف الصحبه بعيدالمسافـات=ولاتعاين اللي في ضهرنا طعنـا
اللي علينا يكثـرون الدعايـات=اشرورهم لـو مانعرفهـم لفنـا
ماسلم من نماتهم حتى الامـوات=كل ٍ وراى النمات نجـره يدنـا
ارجع لحزبي ياعشير الخوندات=وحنا حمانا يحمـي اللـي زبنـا
وقفل علوم العنجهه والمبابـات=كثر العلـوم البايهـات ازعجنـا
ارجع وراقب رب عال السماوات=علـى الاوادم بالـردى لاتجنـا
العافيـه مـادوم وياالمـلـذات=اتلا العمر مابين نـارن وجنـا
لو نملك اموال البنوك وعقارات=عن يومنايامن وصـل ماحمنـا
اعمالنا توزن بحسنـه وسيـات=والله وعلـم ايهـن يرجحـنـا
هاذي نصيحه تنحر السبع بالذات=وتعم بعض قلوب نـاس اغفلنـا
ردي على العمدة والمعذرة عن التأخير لأني كنت مسافر ولاحضرت ألا اليوم ، وعلى عجل:
والله نجامل.. مير في بعض الاوقات=لو نبتل أنجامل. خسرنا وطنا
ياكثر مانجامل وراحت ولاجات=نبا الأمور اتزين ،،منا ومنا
مير الأمور اليوم باحت بالاصوات=وسرحان فديار المجاعه تثنا
يسرح نهاره واكثر الليل مابات=يبا البيوت اللي من اول تبنا
لاجر صوته لجت اجبال ابانات=خلى هواجيس المعنى،، تعنا
ياقلب لاتحزن ولو فات مافات=مدام ابو تركي عليك ايتمنا
رفيقي اللي حطني في متاهات=يوم الوضيحي في حبيبه تغنا
محرز يقول الحق ..هيهات هيات=بينه وبين اللي أليا قال ثنا
بالسيف حلال العقود الصعيبات=بالدم الأشقر حد سيفه محنا
ماخاف، يخسر معرفة تجار القات=يوم ان ابو تركي بطيبه محنا
يبا السلامه مير ما من سلامات=الموت ياروضة مغازي مهنا
سلمت منهم وانتهى الوضع باسكات=وشلون تسلم من اسباع ٍ عونا؟
الرد ماهو رد الابيات بابيات=الرد لراحن سوالف وجنا
للجد حد،، ولبلج الحق،، رايات=وبالخيل قبا،وأرذل الخيل دنا
ولاهو غريب ٍ فوزنا بالصعيبات= هذي عوايدنا وعادات اهنا