بسم الله الرحمن الرحيم
السلام عليكم ورحمة الله وبركاته
تقول الشاعره الدقيس
أمس الضحى عدّيت في راس مزبور
أشرف على راعي العلوم الدقاقـة
أنا شفاتي واحدٍ مـن هـل الهـور
هو عشقتي مـن ناقليـن التفاقـة
عوق الظليم إذا تحدّر مـع الخـور
دم القرا ينقط علـى عظـم ساقـه
هو صار عوقٍ وأنا صرت عاثـور
و الكل منا صـار شوفـه شفاقـة
لعب بقلبي لعبـة الغـوش بالبـور
و أومى بي أوماي العصا بالعلاقـة
غديت أنا لا أحدي ولا بدي ولا أثور
ثنـاي تثنـاة الخلـوج الوسـاقـة
يا ونتي ياما بكبـدي مـن الجـور
ونـة ضعيـفٍ ضاهدينـه رفاقـة
ودِّه سمر قلبي ورى مشّة الـزور
سمر الحديد اللـي جـوادٍ حلاقـة
وبالصدفة كانت امها تسمعها وهي (تجر الصوت) فرد عليها:
برقٍ يجنّب عنك لو كان به نـور
بالك تخيله لـو ربيعـك شفاقـه
ترى الرجال إبهم تمازيح وغرور
ومن قبل عرفه لا يجي لك عشاقه
قامت الدقيس وردت على أمها:
من لا استشارك لا تبدي له الشور
ومن لا يودك نور عينـك فراقـه
طاويها الحب
وسلامتكم