[ناصر خنيفر]

يالسبع حنا في زمان المحابات= جامل لونك شفت شين غبنا
حتى الخبول يدورون البطولات= كل ٍ فزع بالسيف منا ومنا
ولا تفسرون العلم ياهل الروايات= يم الرجال اللي بدنهم بدنا
الضلم دمرله بيوتن رفيعات= والصدق عز اللي لنهجه تبنا
ونا رفيقك بالسنين القديمات= قدام ضعنك لايفارق ضعنا
مايخلف الصحبه بعيدالمسافات= ولاتعاين اللي في ضهرنا طعنا
اللي علينا يكثرون الدعايات=اشرورهم لو مانعرفهم لفنا
ماسلم من نماتهم حتى الاموات= كل ٍ وراى النمات نجره يدنا
ارجع لحزبي ياعشير الخوندات = وحنا حمانا يحمي اللي زبنا
وقفل علوم العنجهه والمبابات= كثر العلوم البايهات ازعجنا
ارجع وراقب رب عال السماوات= على الاوادم بالردى لاتجنا
العافيه مادوم وياالملذات=اتلا العمر مابين نارن وجنا
لو نملك اموال البنوك وعقارات= عن يومنايامن وصل ماحمنا
اعمالنا توزن بحسنه وسيات= والله وعلم ايهن يرجحنا
هاذي نصيحه تنحر السبع بالذات=وتعم بعض قلوب ناس اغفلنا

الموضوع الأصلي: نصيحه لسبع الضاري | | الكاتب: ناصر خنيفر | | المصدر: شبكة بني عبس