[صقر المشعلي]

وهذي القصيده قلتها بمناسبة قرب عبور الطيور

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]بديت بسم مقدر الكون تقدير=اللي جعل بالكون حر وبرادي
من بعدها تسمعوا يامناعير=وش اللذي بالصدر حرك زنادي
طرى عليه وقتهن والمعابير=مع طالع الصرفه يوكد وكادي
وكلا يجهز مربط الطير لطير=ويجهز الدربيل لشوف البعادي
ويربط الموتر بربل ومسامير=ولا يصير به تقطيع ولا انسدادي

ويجهز الموتر لذب العثامير=ويحسب حساب مجرهدات الريادي

حتى عليه يصخر الطير تصخير= ان كان بصمان ولا الحمادي

ويختار له ربعا اكرام ومسافير= الي لهم بالطايلات المبادي

يختار من جده يحد الطوابير= يومنها بالسيف وشلفا وهنادي

ولا الردي خوته شرا بلا خير= يوذيك بكذبه وكثرالدوادي

ويحرص على الي دايم يجيب تذكير= حقا على المخلوق لرب العبادي

ويزين النيه وحسن التدابير= لن المطيه نيتك منت غادي

وتيسروا وخذوا من الوقت تبكير= وصية المرسل وهو خير هادي

وتركدوا وانتم لهذا مداوير= عسى لها من عند ربك منادي

بمسرولاً كنه مشمر على بير.=ابيض كما الغرنوق مابه سوادي

فرخا تشوف بدغدغه باقي الجير=وافي ولا فوقه وصيفا يلادي

وادعوا وقولوا يالله اليوم تيسير=يا رازق الحيات في كل وادي

وصلوا على من بشر الخلق تبشير =على النبي الى لحضر وبوادي[/POEM]

الشاعر/ صقر المشعلي

[/CENTER]

الموضوع الأصلي: الربع الكرام المسافير | | الكاتب: صقر المشعلي | | المصدر: شبكة بني عبس