من روائع الزعيم الله يعطيه الصحه والعافيه
عزة النفس
ينجرح قلب لكن ترتفع هامه=والله اني لا اموت ولا انحنى راسي
لو رماني زماني وسط دوامه=العواصف شديده والجبل راسي
انقل الحزن وامشي منتصب قامه=قاسي الوقت لكني بعد قاسي
واسمع الحلم يصرخ لحظة اعدامه=رابط الجاش ماهز الخبر باسي
عزتي غاليه والناس سوامه=قلت ما ابيع حتى تقطع انفاسي
زانت ايام عمري شانت ايامه=ما رجيت العزى من رحمة الناسي
من عجز لا يدوس الهم باقدامه=لازم انه مع الايام ينداسي
يندمل جرح القلب ماتت احلامه=بس ما اظن يبرى جرح الاحساسي
يوم صارت ما بين القلب والهامه=وش ابي بالحياه اليا انحنى راسي
من درر الزعيم
مساعد الرشيدي