[نادر بن مساعد]

اسعد الله اوقاتكم بكل خير ومحبه وسلام

اهديكم هذه (((المتواضعه)))





[POEM="font="Simplified Arabic,5,red,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]اقيـد افكـاري وعيـت لاتقيـد بالنظـام=اقول هذي كايـده وتقـول احـب الكايـده

قلت ابتدينا والمساري من ظلام اليا ظـلام=مادامت الدنيا ولـو طالـت زوال وبايـده

(يابو شهر) لو كان من سواك يطمح لسلام=ماكان شفنا (شهاب) بالشاشه مع زوايـده

قلو (لحكام الخـوارج) لا يزيـدون الكـلام=حنا عرب نبقا عرب لو كان مامـن فايـده

حنا خليج العرب حنا شعب مايقبـل يظـام=منهو نوانـا بالقشـر والله غيـر نعايـده

حنا مقابيس الوغا لا ثار دخـان العسـام=ارواحنا دايم مع العليـا تشـوم وصايـده

حنا وريثين العلا حنـا عزيزيـن المقـام=يشهد لنا التاريخ لا رسنـا علـى عمايـده

سلام ياروح النبي سـلام يامسـك الختـام=سلام ياروحـن علـى كـل الاوادم سايـده

سلام يا ارواح الصحابه ياعزيزين وحشـام=يامن نشرتو دين الأسلام وزهـت فرايـده

حنا على منهاجكم باقيـن ونشـد الحـزام=منهاجنا (السنه) وشرع الدين مـع بنايـده

ماهمنا لو كان زهبتنـا بواريـد وحسـام=(ذي قار) فيها نصرنا و(الفرس) ذي نكايده [/POEM]


مغليكم / نادر بن مساعد

الموضوع الأصلي: ذي قار .... مع خالص((( التحذير))) | | الكاتب: نادر بن مساعد | | المصدر: شبكة بني عبس