[ممدوح العريض]

اخي ناصر فلاح الرشيدي يعطيك العافية ولا هنت على النقل
واسمحلي اقوم بتنسيق القصيدة

الله يجازي من يسوي سواتك =وبذنوب من سوى سواتك يجازيك
مشيت درب الثقل و تحب ذاتك= ما تدري انه للمهالك يوديك
و غرك جمالك يا خسارة حلاتك=ماتدري ان ما غير طبعك يحليك
بتقول زينك بيشفع لسيئاتك =الحسن ماهو عن وفى الحب يعفيك
لو التواضع والوفا من سماتك= بعت الحبايب كلهم دين وشريك
لكن عجزت أغيرك يا جراتك= على الغياب اللي بلا عذر ينجيك
خطاي في توضيح وشهو غلاتك =و خطاك في توضيح وشهو تغليك
وشلون توصيني وتنسا وصاتك= وتصد عن صوتن تقطع يناديك
ما فادك التجريح والعذر فاتك= و تبغي رضاي الحين ما عاد يمديك
صحيح أحبك بس هذي جزاتك =بأعلمك درس يفيدك ويحيك
تدري وش أبيض من خفوقك عباتك= وتدري وش اللي غرني نظرتي فيك
أدري بتستغرب تصبر وجاتك= قصيدتن من واحدن كان يبغيك
وتبغي تناظر وانت عايش في مماتك = شف وحدتك والناس تجلس حواليك
وتبغي تشوف أشجع رجل في حياتك= شفني وأنا مقفي على كثر ما أغليك.