[غزلآن]

هب الهوى غرب واجتاح الضلوع وشعرت

ان الليالي الجميله هب نسناسها

مدري كبر حلمنا والا بعيني كبرت

والا هي اوهام ودي يصدق احساسها

تنساني ايام وتجيني متى ما ذكرت

اليا متى وانت روحي حابس انفاسها

كنت اجمل احلام عمري بس ليه انكسرت

يازين الاحلام لو ماينكسر باسها

بيديك مديت لي كاس المحبه وصرت

انا اول اللي يذوق المر من كاسها

من يومها وانت قدام عيني ولو ماظهرت

دايم وعيني تشوفك بين جلاسها

قدرت ولا على نفسي معك ماقدرت

لازاد عنها غيابك زاد وسواسها

لوشفت حال الورق والشعر عقبك عذرت

اللي حرق صفحة الماضي وكراسها

ماكنت اصدق يجي يوم ابتسم لانظرت

اطلال ركب الليالي مر ماداسها

والا انت لو قلت لي نادم وجيت واعتذرت

كان اجمل ابيات شعري ينحني راسها

مافيه داعي توصيني تراي اعتبرت

فرقاك ذكرى وشعري علق اجراسها

يكفيني البارح اني في عيونك سهرت

وقفت بين العيون السود وانعاسها

وان رحت ما انت اول اللي راح وان حضرت

قلت الليالي الجميله هب نسناسها



للمبـدع


متـ ع ــب التـركــي

الموضوع الأصلي: '(¸. •.اليا متى وانت روحي حابس انفاسها •.¸)` | | الكاتب: غزلآن | | المصدر: شبكة بني عبس