يالله في حب النبي والصحابة =يارب ترفع دعوتي للسماوات
يامن سمع ذالنون وأحصى أطّلابه = يامطلعه باللطف من بطن الاحوات
في شاطئ(ن) ماله رفيق وقرابة = ألا أنت يامن قدرته تحيي الاموات
يامن عطى عيسى بمهده كتابه = وكلم وهو بالمهد وأدى الشهادات
رحماك يامعبود عند أكترابه = أمرك اذا أمرت في ظرف ساعات
يا كاتب(ن) ميل البشر من صوابه = ولا في يد المخلوق قدره وصرفات
ليا سكّر المخلوق بالقفل بابه = عرفت بابك فاتح بكل الاوقات
تفرج لمن مثلي ولحد(ن) درابه = ألا انت ياللي سامع(ن) كل الاصوات
ياربي ذنبي معترف بأرتكابه =وهذا أعترافي بكتبه بالسجلات
يارب ذنبي ملي بحر(ن) وغابة = ورحماك ملي الأرض هي والسماوات
يارب انا مخلوق مالي حرابه = مملوك والمملوك مافيه حيلات
يارب انا بالكون مثل الذبابه = يامبدل السيئة بعشرة حسانات
ياعاصم(ن) يوسف بعزة شبابه = أسالك تعصمني برحمه وصلاوات
وانا سجين بقدرتك والكتابة = ورجى العفو يامرسل الرسل بآيات
وصلاة ربي عد وبل السحابة = على شفيع الخلق يوم الحسابات
صح لسانك يا صقر وأسمحلي بتنسيقها