قالت تحرك .. ربع ساعة يقيمـون=قـم اطلـب الرحمـن رب البريـة
قم العن الشيطان وابليـس ملعـون=وش فيك ؟ آهاتـك بقلبـك قويـة؟
عادي .. ترى عشرات مثله يموتون=الحـق صلاتـك واتـرك الطايفيـة
قلت اسكتي في ذمتي ضاق هالكون=وأحس هاالجـدران ضاقـت عليـه
أحس في روحي سكاكيـن وطعـون=كنـي صغيـر فاقـد حضـن أبيـه
عندي أحاسيس وهواجيس وشجون=وعندي من الحسرات روحة وجيـة
وشلون أعبر لك عن الحزن وشلون؟=بهمي نسيـت الأحـرف الأبجديـة
عاقل ؟ وأشيل بداخلي عقل مجنون=يمكـن غبـي وإلا الأوادم غبيـة ؟
أشوفهم يمشون بالحبـل يمشـون=أشـوف بايديهـم حبـال المنـيـة
مقنعيـن أشوفـهـم ويتنـاخـون=لحظات رعب صدورهم .. سرمديـة
يا لعن أبوهم من عيونـه يخافـون=من عذرهم هـذاك مـا فيـه زيـه
هذاك صدام الفخر مامشـى الهـون=يمشـي لحبـل المشنقـة بأريحيـة
راضي بحكم الرب شاكـر وممنـون=حتى بموته.. كـان رمـز الحميـة
تـرك غبـار الـذل للـي ينامـون=وترك لحكـام العـرب هاالوصيـة:
(عندي لكم فتوى عن العار والهون=تقبلوهـا فـي وداعــي هـديـة
فتوى .. وتراها بذمتي لا تضحـون=لأنكـم أصـلا مجـرد ضحـيـة )
مشكوووور سلمان ورحم الله ابو عدي
واسمح لي نسقت القصيده بطريقه جيده من اجل اضافة جماليات لتلك الرائعه
وتقبل سلامي