[رائد الذيابي]

ياخوك همي هم وجروحي جروحي
وشلون ابنسى والليالي جروحي


ضايق وانا من زايف الوقت مجروح
ومن لوعة الايام عايش بروحي


ماوجي احكي عن همومي ولا ابوح
الا لولي العرش سدي وبوحي


تخنقني العبره على صوت مبحوح
واكنها دمعه بعيني تفوحي


واحسها دله على جمر وتفوح
وتذوب من حر المعاليق روحي


هذي المواجع احسبها يوم وتروح
أثر المواجع لالفت ماتروحي


حتى بنت في خاطري برج وصروح
عن قصتي ماسولفتلك جروحي ؟؟


وأنوح من نوح المعذب على اللوح
ماحدن عرف ليش المعذب ينوحي


مدري طرب والا من أحزنه ينوح
يافلان قم يافلان ضمد جروحي


قصه مثيره في جسدها نفث روح
ياللعجب كم كنت فيها لحوحي


طفل حياته لعب وصراخ ومزوح
واليوم جد الجد مابه مزوحي


ارسم والون صورتي لون مفتوح
والقا غموضي في ملامح وضوحي


عجزت ابفهم قصتي درس مشروح
غـــايه تبدد في مداها وضوحي؟


كلي طلاسم غامضه بوجه مفضوح
وأصد عن عين الفطين الفضوحي


دقتني الايام مسمار في لوح
لين ارتكز مسمارها وسط روحي


دنيا ضلام وليل مابيح البوح
والصبح في شمسه بخيل وشحوحي


شفت الفرح في ساحة الحزن مذبوح
منضر كئيب بحالة الذل يوحي


لا تسألوني كيف وزشلون مانوح
حتى انا مادري ولا ابصر ولا اوحي


وياخوك همي هم وجروحي جروح
ياكيف الملم بالليالي جروحي

الموضوع الأصلي: يــاخــوكـ هــمــي هــم وجــروحـي جــــروح | | الكاتب: رائد الذيابي | | المصدر: شبكة بني عبس