[شــهـــد]

معآك حق أخوي ..
مناهجنا ( ممله ) و هي نفسها ما تتغير ..
نفس اللي ندرسه بالثانوي يدرسونه الابتدآئي ..
والله أيام الاختبارت كنت أذاكر فيزياء وعندي اخوي في خامس ابتدائي ..
يعني يقالي بـ ألطف الجو شوي و أسولف مع اخوي .. سألته سؤال من منهجنا
وأنصدمت جوآب على سؤالي جوآب صحيح !!
و هو نفسه استغرب قال : انتم للحين تدرسونه !!
.
.
و انا معكم أن الطلاب هنا يتخرجون و هم مو فاهمين شي ..
والله اشوف ناس متخرجه من الثانوي ما تعرف تكتب زين !!
يعني تقريبا 13 سنه يدرسون ولا استفادوا شي .. !!
.
.
و دآيم نترك اللوم على الطالب نفسه أو المعلم
و لا نفكر نشوف أو نطل ع المنهج .. ‘‘
مع ان مناهجنا أسالبيها ممله .. يعني ما تشجع الوآحد يدرس
و معتمدين اعتمآد كلي ع الحفظ ..
.
.
و بصرآحه الاغلبيه اللحين لما بيدخل ثاني ثانوي
ويسأل اللي قبله أدخل ادبي ولا علمي !!
ما دري ليه يفكر هو بنفسه .. ؟!
و اللي يسأله يجاوب عليه جوآب معروف و الظاهر اني بسويه
مَـثل شعبي خخخخخخخخخ ..
الجوآب ( اذا انت تحفظ ادخل ادبي .. واذا تفهم ادخل علمي .. )
وانا من دخلت علمي و انا مغير احفظ بهالقوانين وكل كتاب له قوانين !!
مع ان في معلمه درستني رياضيات تقول برآ ما يخلونهم يحفظون القوانين
انما يجيبون السؤال مع القانون و الطالب عليه يعوض او يحرك القانون اذا احتاج !!
اهم شي يفهم السالفه سالفة فهم مو حفظ قوانين !!
.
.
وطبعا ما ننسى المعلم نفسه ..
يعني ماده تحس فيها حماس تجارب و نشاطات تحمس الطالب شوي ..
لكن يجي معلم يقرأ الدرس مجرد قرأة وإنتهى الدرس !!
و ياليت احد معه تلاقي نص الطلاب حاطين راسهم ع الطاوله و بـ سابع نومه !!!
و ما ألومهم صرآحه لانهم لو كانوآ مصحصحين ما راح يستفيدوآ شي يقدرون يقرون الدرس في البيت ..‘‘
و في وقت الاختبارات كل وآحد يدور له على مدرس خصوصي!!
و مرات يدفع فلوس و هو ما ستفاد ولا شي !!
.
.

في موآضيع كمان بس احس اني طولت <-- زين حسيتي .. ‘‘
شكرآ لك أخوي ع الطرح .. ‘
و الله يوفق الجميع ..