[ممدوح العريض]

اخواني متابعي منتدى شعراء شبكة بني عبس
اهدي لكم اهذه القصيدة و أتمنى أن تحوز على رضاكم
مع تمنياتي لكم بالتوفيق :-

لا يانجوم الليل صاحبك ماتاب= عيت عيونة لاتفارق سهرها
والجادل اللي جرحها مابعد طاب= قولي لها ممدوح راح بخبرها
يضحك ودمعه حاير بين الاهداب= يخاف تنزل دمعته ويحشرها
قولي لها يذكر مواعيد الاحباب= مافيه لحظة عدت الا ذكرها
أول لقا واخر لقا و اول عتاب =و أول رسايلها واخر صورها
كانت رواية كانت عيونها كتاب =كانت دروبي كنت هاوي سفرها
كانت قريبة والبشر كانو اغراب ='كانت صباحي كان ليلي شعرها
كانت وكانت قبل تتفتح ابواب = اجمل ليال العمر كانــت قمرها
كانت حقيقة لكن الوقت كذاب = طوى السنين الماضية واختصرها
غابت ولا اذكر فيه للغيبة اسباب =راحت وراح العمر وانا انتظرها

شعر:ممدوح العريض

الموضوع الأصلي: غـــــــــــــــــــــابت | | الكاتب: ممدوح العريض | | المصدر: شبكة بني عبس