[كهل الصباء]

أخوي عايد؟

جابك الله على غاية المطلوب...يسعد مسائك.

قلبـي مدينـه للعنـاء والغرابـيـل=اسوارهـا هـم وسمـاهـا قــراده

لا لاقـيٍ جنـه ولا مـن محاصيـل=وابغى السعاده بـس مامـن سعـاده

تعبت والحيل انتهـى مابقـى حيـل=والحزن صار بخافقـي لـه سيـاده

رجح شقاء وقتـي علـي بالمكاييـل=واخذت مـن صكـات بقعـا شهـاده

هذه الفلسفة السطحية للشاعر كانت مجرد بداية!

ياسيـد إحساسـي لديـك التفاصيـل=وعندك دواء قلبـي وعنـدك مـراده

تدري بأنك بالغلا صـرت لـي نيـل=وسحرك لبسته مثـل لبـس القـلاده

هنا كانت بداية قوة القوة...إبداع.

وخليت عيني لو تبـا تمـل ماتميـل=اصبحت عاده ( يلعن ابـوك عـاده )

تمل؟

ربما تميل وهذا هو الأصح.

اشباح طيفك كنهـا جـارف السيـل=لامـر طيفـك رحـت معـه ابـلاده

صاحي ولكن لعبـة الحـط والشيـل=كبرت علـى اللـي ماتهنـى برقـاده

تفلسف الشاعر في هذا الموضع فأجاد!

وخصوصاً عند قوله:صاحي ولكن...

حيث مزج خليط من الصور التي تداخلت فأعطتنا لوحة شعرية رائعة.

احيان اشـك انـك فـرج للمقابيـل=لادك داكــوك الـظـلام بهـجـاده

وانشد واصيح بعالي الصوت يا ليـل=يا ليـل تكفـى صيـح ويـاي نـاده

يا ليل تكفى صيح وياي ناده: يالله صورة ولا أروع!

يالصاحب اللي ماتخفـاك المواويـل=يا كم سهرت وبشتك اضفـى سـواده

علّي وانـت ادرى بكـل المداخيـل=يا صاحـبٍ حبيـت فيـك الركـاده

هنا نجد للشاعر مناجاة تنقل القصيدة إلى عمق الإبحار والتفكر.

والله وربٍ نـزّل الـذكـر تنـزيـل=انـي اشـك انـي عبدتـه عـبـاده

لا جديد...هذا البيت طُرق من قبلك...وأنا أعتبره تكملة عدد.

أشبهـه كنـه شـرودٍ مـن الخيـل=وحشيـةٍ ماهـي بحـكـم وقـيـاده

هنا كبوة الجواد...حيث يقول الشاعر وحشية...فلو كانت شيهانة ما يتحدث عنها

لصح الحديث...حيث إن الشيهانة قبل شبكها وتدريبها تكون وحشية...أما الخيل فحتى

قبل تدريبها فهي إنسية.

مذيره .. شقراء ذوايب .. على ذيـل=كنـه جدايـل صاحبـات السـعـاده

شمعة زماني .. والفرح .. والقناديل=ملهم قصيدي .. نبض شعري .. مداده

قاتل دموعـي .. والعـزاء للمناديـل=مطفي لهيبي ... والعزاء في رمـاده

إبداع.

شطرنجي اللي ناقصـه قلعـه وفيـل=ومليكهـا مــا فـادهـا بجتـهـاده

يفـداه قلـبٍ شربكـتـه المحابـيـل=عـزيـز قــوم وذل عــزه وداده

في هذه الأبيات نجد خلاصة الفلسفة...حيث ذهب بنا الشاعر للشطرنج ومليكها...

ثم في عجز البيت التالي يقول عزيز قوم وذل عزة ودادة...وكأنه يصور لنا واقعه

بما نذهب إليه من خيال.

ويفداه كل اللي سمـع مـن أقاويـل=ماقل قـدره لا علـى العكـس زاده

يا موناليزا يا أروع عطـور شانيـل=يـا بـرج بيـزا بميلتـه ورتــداده

يا ضرمة الشيبـان للكيـف والهيـل=يا فرحة المديـون لا جـاء سـداده

يا فلسفة من حرفوا كتـب الأنجيـل=يا طلسمة ساحـر بحسـب إعتقـاده

فلسفة وطلسمة وتفنن بهن أيضاً.

يا نشوة الوسكي علـى ضفـة النيـل=على شجـن فيـروز .. وإلا ميـاده

أوه أوه يالنشوة...هنا أجد متعة الشعر.

سيناريو .. حبكة مسلسل .. وتمثيـل=قصة حياتي وانـت عطنـي الأفـاده

هذا البيت قسم تابع لبيت النشوة.

يـا سـدرةٍ مانلـت منهـا مقايـيـل=لي قيضها واصبـح لغيـري بـراده

يفداك كل اللي حصـل مـن بهاذيـل=ويفـداك قلـبٍ مايعـرف السـعـاده

ختام بنداء الألم...ثم إفتداء رائع...لكن لو كان الختام غير هذا البيت لكانت القصيدة أروع.

شكراً لك يأبو خلف على إمتاعنا بهذه الفلسفة.


دمت بووووووود