[سالم الرشيدي]

حبيت غيرك لجل أنا أموت مقهور..

حبيت غيرك لجل أردّ إعتباري..

وحده بوحده ياأرْيش العين مغدور..

والبادي أظلم لاتهلّ العذاري..

توّك شكيت الصد والهجر والجور..

توّك تعذّب من لواهيب ناري..

حبيت من خدّه يشعشع كما النور..

مجّفاه لوْ تجْفى يميني يساري..

الجادل اللّي كنّه الدرْ منثور..

داوى جروح الحزن قبل إنتحاري..

وأنا أحمد الله وإنه اليوم مسرور..

وأبشّرك جرحي من العام باري..

ماهوب أنا اللّي يقبل الذلّ مغدور..

حاولت تجرحني وأنا أخذت ثاري..

أتمنى تعجبكم.......

تحياتي للجميع...

الموضوع الأصلي: حبيت غيري لجل انا اموت مقهور ..؛؛ | | الكاتب: سالم الرشيدي | | المصدر: شبكة بني عبس