اخواني رواد هذا الصرح الشامخ اهديكم هذه القصيده الموجهه للشاعر غازي البراك
وان شاء الله تنال على استحسانكم
ياغازي البراك ياطيب الفال = الله يجيرك من بلاوي صدوفه
ابشرح اوضاع ٍ طرتلي على البال= شين نشوفه وانت يمكن تشوفه
مريت دران شوفها يسرق الحال= جردن محل فيها العشب ماتشوفه
مامرها من وابل الوسم همال= مزنن تيامن عنه واخر يطوفه
من ذنب ناس ٍ همها جمعة المال= ماشاف مصدر ماتحوشه كفوفه
ولال الكبير بوسطهم قدر وجلال = وبالكذب والبهتان ياكل كتوفه
راحم هل الطولات حمايت التال= اهل التراحم بالرخاء والكلوفه
التلاهم اللي شيعو زين الافعال= راع الدلال اللي ماهي بمحروفه
اللي يزوره من بغا شف فنجال= وقبله رجال ٍ طيبه ومعروفه
واليوم مابقن سوى خمسة رجال= وحجم القمر قام ايتدانا كسوفه
وقصرت رجليه بالقفا ولاقبال= مالي بعنواتن ماهي بمخلوفه
بالدار مالي عقب ذولاك منزال =في ديرتن قامت تثلم صفوفه
الحي جعله يهتدي زين الاعمال= ومن مات ياربي تهون وقوفه
في ساعتن مايفيد مال ٍ ولاعيال= املوكها ماعزلت عن ضعوفه
بس العمل غيره فلا فيه مدخال= في وسط غارن موحشات ٍ لجوفه
الشاعر / ناصر خنيفر