الكابتن
ياناصر خنيفر عليك اللوم وإلسانك طليـق=مطلوب لحقوق العرب والناس دون حقوقها
اما تطيـق الحمـل ولا يالعلـك ماتطيـق=اليا جهلت النار مد ايديـك ليـن تذوقهـا
العمده
وجه لوضاح اليمن لاتلد عينك بالصديـق=عليك مزن من اليمن قامت تلوح بروقهـا
وش قلتبي ويا الرفيق اللي يباريك الطريق=في غيبتي سياتكم قامت تسوق احلوقهـا
الكابتن
ياشين لعبات الغبا مدري متى ناصر يفيق=سحابتين ابرق واحد والولي من فوقهـا
حنا نحاول نصلح المخطي بمنطوق ٍ يليق=لكن بعض الناس لو كبرت تقل او فوقها
العمده
مافيه لعبه من غبا اركد ترى علمك عتيـق=وشبك جمعت اهل اليمن واللي سكن بشروقها
ماصلحت شي انته تشب الناروتزيد الحريـق=بشتك نخيط فتوقهـا وانتـه تزيـد فتوقهـا
الكابتن
الناس تدري باالحقيقه وانت صدرك لا يضيق=و لا الغبي من يجلب البيضه علـى سالوقهـا
عين الخطا ما تشوف وجه الحق لون له بريق=بشتي ماتلمسها يـدك خـل العنـب بعذوقهـا
العمده
يالاعب الي محترف قلي من ايات الفريق=ودي نعرف الشجره اللي عيشتك عروقها
حنا نبا ناخذ معك وعطيك بسلوبن رقيق=واليا عرفتك كل شاتن عارفن معلوقهـا
الكابتن
فريقي اهل العز واهل الطيب والعلم الدقيـق=وعشاي من يمناي واطيورك تشد سبوقهـا
إن كان هذي سالفة ناصر عشيق مع عشيق=بمسح بكفـي شاربـي واكبهـا لمعشوقهـا
العمده
ونعم لكن نوب اشوفك من وراى الطاقه تويق=انته تطالـع بالنظـر وانـا اتخيـر نوقهـا
يومن كبتنكم غفا في لـذت النـوم العميـق=وانا اجمع اللي كاالزبيدي في طرف رقروقها
الكابتن
ياكبرها كبراه طاح الفيل شرقـانٍ بريـق=ماقلت لك دايم ظنون اهل الوفا ما تبوقها
باالله يا كهل الصبا خلك على قمة طويق=حتى تشوف التاجر اللي سلعته في سوقها
العمده
ياهل الاسام المستعاره ماتفكون الوسيق=اما الهنوف اليا حظرنا مالمستم طوقها
شاهدك يالثعلب ذنبك اليوم بينت النعيق=وحنا بضاعتنا ثمينه خزنه بصندوقهـا
الكابتن
خلك كذا تمشي بعمياها وشف لك كم رفيـق=اما الهنوف انـا فحلهـا بعقدهـا وبسوقهـا
ياناصر اكبر عن علوم النقص لاتصبح غريق=ترى الرجال احيان تفضحها علوم اشدوقهـا
العمده
وين السنع يابو السنع الدرب ملوين وظيـق=ونظرتك مثل الابره اللي في قفاهـا ضوقهـا
وانا اعرف علوم الرجال افهم ولا عقلي خريق=واليا زمت روس الطغـاه الله خلقنـا عوقهـا