[احمد السندى]

	الموسوعة النبطية في القهوة العربية الشاعر / تركي بن حميد قم يـا محمـد سـو حلـو ومـرا * رسم الى جو النشامـا هـل الكيـف مـع منسـفٍ قـدم المنـارا يجـرا * وشنـان حيـل ٍ سمنهـن ذواريـف واعمـل بخيـر لـو تجـازا بشـرا * وارج الفرج من عند والي المصاريف رفيقـك الدانـي مـنـه لا تـبـرا * ادمح اموره لـو تخبـث عجاريـف يشرب معـك حلـو وكـدر ومـرا * ويارد معك حوض المنايا اليا عيـف مـرة تـذارابـه ومــره تــذرا * ويسر حالك في الليالي الشفاشيـف مانيب من يتبع هـوا كـل عسـرا * فوق المهار وفوق قـب الشواحيـف الشاعر / محسن بن علي بن جغثم القريشي السبيعي ياعيد شب النار قم سو قم سـو * وقم سو فنجـال وزيـن قنـادة هات الدلال ووسع لحفره الضو * شب بحطب سمر ولوعه عراده خل النشاما لاتلافو لـك وجـو * يلقون من جدك مراسيم عـاده احمس من البن الخضر لا تلافوا * وللعود حط شـداد والاوسـاده وبهارها هيل ٍ من الباخرة تـو * توه منزل من سنابيـك سـاده مع البحر ملفاه والا مع الجـو * مع زعفرانه كبر رجل الجـراده حتى يجي فنجالهـا لا تقهـووا * مثل صفار البيض في كاس ساده الشاعر / سميحان بن حويكم السحيم الحبلاني العنزي منقولة من كتاب انساب قبائل العرب للمؤلف / خلف بن حديد - طباعة مطبعة الانباء- الكويت – 1984م ونيت ونه ما سرى الليـل حشـاش * عقب الطرب ياطا على كـل منقـود خلا هدوم الجز والجـوخ واقمـاش * ومجالس فيها مـن الـزل ممـدود قم سو فنجال ترى الـراس منـداش * لعيون من قرنه على المتن مرجـود يابن مهاوش كب حمسات الادقـاش * تاتيك حمسات الينابـج بهـا سـود ودقه بنجـر يسمعـه كـل طـراش * وايضا الى حرك على الهون به زود وحطه بدلة مولـع كنهـا الشـاش * وابهارها مقدارخمسه عشـر عـود الهيل حطـه لاتدانـا ولـو جـاش * ومن الزباد اقنع على شذرة العـود كنه بعرض الصين ورسٍ الى نـاش * أو زعفـران كلـمـا عـلّـم أردود أبيه رسـم للنشامـا عـن الـلاش * الـلاش لا فاقـد ولا هـو بمفقـود الطيب سنده والردى ذاك مـن لاش * واللي يريد الطيـب ماهـو بمـردود لـذاذه الدنيـا معاميـل وافــراش * وصينية يركض بها العبـد مسعـود وصفرٍه الى جا العصر عند كل هباش * تطاوحـن قلـب المناحيـز بالعـود في ربعة يلفي بهـا كـل هشـاش * يفرح بها اللي من دنايـاه مضـدود يالله طالبك عند سرحـات الادبـاش * ذود مغاتيـر ويبرلـهـن ســود مرباعها الصمان تبعد عن الطـاش * ومقياضها دخنه اليا صـرّم العـود ياماحلا وقت الضحى طق شوبـاش * وقامـت تنـازا بالمناعيـر جلعـود وانا على مثـل النداوىالـى حـاش * تنزع كما ينزع من الكـف بـارود ومن لايروي شذرة السيف لا عاش * اصبح عليه امورد والجيـب مقـدود‏ الشاعر / حامد بن مايقة الحبابي يا عَاملِينْ البنّ وَسْطَ التَرَامِيـسْ * لا تَقْطَعُونِهْ من حَشَا مِرْضعَاتِـهْ رُدُّوه لأمَّات الخْشُـوم المِقَابِيـسْ * صُفْر الدلال اللي عَلِيهَـا حَلاتِـهْ مَا عَاد شِفْنَا البن وَسْط المَحَامِيسْ * يَحْمِسْ وصَوْت النِّجْر طَوَّلْ سكَاتِهْ الشاعر/ سلطان الأدغم السبيعي رحمه الله ياسليم شب الضو ولا لك مهانه * يجي لها ضوحن يقود السراتـي أشعـل بفنجـال وزيـن إزيانـه * وأحذر من الحراق هو والنياتـي ريح وطعم راعيه ينشع إلسانـه * أطرف حمر لونه كما دم شاتـي عده على اللي لا هرج لك تكانه * قليل هرج وفي الملاقـا إزناتـي ويفداك من هو ناشئ بالذهانـه * ويديه لحبال الـردى قاضباتـي طارى عليه الجود بتالي زمانـه * زل الشباب وهو على ذا السواتي عند الجماعة مهلق في لسانـه * وهو لا يحذف ولا يجيب الحصاتي الشاعر / مرزوق ابن فهد الرشيدي في القهوة قـم سـو فنجـال عزيـز بهـاره * مـا قيـل حرقـان ولا قيـل لـولاه فنجال عذبـن زيـن ذلقـه حمـاره * عند أبلج يشفق على البـن و شـراه عنـد أبلـج البـن صنفـه وكـاره * ما قيـل حرقانـه ولا هـي بمنيـاه أشقـر يشعشـع للمشقـا شقـا ره * ليـا ذكـره اللـي يخبـره يتمـنـاه مده على أهل ألكار وأهـل ألوقـاره * ومن قام بالماجـوب حـذر تنسـاه والا على اللي مثـل شبـل النمـاره * اللـي مناعيـر النشـا مـا تنصـاه جـزام قــواد السبـايـا بـغـاره * الياجا نهار الكـون بالضيـق تنخـاه عـزام جــزام بـرأسـه نـعـاره * جزام بالسطوة إلـي عمسـه اريـاه واثنه على عشيـر ضيفـه وجـاره * الياشهلب الوقت ضيفـه مـا يشنـاه و على سخي مـا يهـاب الخسـارة * اللي إلى جا السوق يشفق على اشراه إلي شب ناره والنجـر طـق طـاره * جمل محامـل تفعـل الطيـب يمنـاه وعد عن اللى فيـه كبـر وهـواره * اللي مثل ثـور وقـف لـه بمنحـاه من قصائد زيد الخوير في القهوة لاضاق صدري قمت أسوي من الكيف * فنجـال بـن مـا يجيبـه سريبـه بكر على بكـر عـذي مـن العيـف * يلـذ لـي لانـام خطـو الزريـبـه الا ذلـق بالصيـن كنـه الاشيـف * سلـك الحريـر الا تقـاود صبيبـه صبه الممـرور ابراسـه زعانيـف * اللي الـي شبـت ايصالـي لهيبـه بثني عن الربـع المقفيـن بالسيـف * لاحـل فـي باقـي التفافيـق ريبـه يبست محازمنـا سـوات الكرانيـف * ومعنا خطـات املضـب لاح شيبـه لعيون غيد شركـت تنشـر الليـف * شرق من البطحاء يجانـب شعيبـه اللـي نماهـا للمساييـر والضيـف * يوم ان ولـد النـذل حـارب قريبـه صرنـا العـدلات المناظـر كلاليـف * تجلب لهن ملح الشفـا كـل عيبـه وقال شاعر مجهول ان ضاق صدري قمت احوف المعاميل * احوفهن من قبل يبـدي بهـن عـار ونحط بالمحمـاس هيـل بـلا كيـل * ونحمس الطبخه على حاجـز النـار لمن غدت مثل السواحـل بـلا ذيـل * حمرا وصفرا وصاحب الكيف بيطـار ولن اقبلن عوس الركايب مع الليـل * نهفي لهم من قبل لا يـدري الجـار نفرش لهم زيـن السجاجيـد ديبـاج * ونجيب شاة ما حنا على الظيف حذار ونطلع لهم زين المواكيـل بصحـون * من حب بر غارسينه علـى انهـار وقال شاعر اخر ان ضاق بالي شب لي تالي الليـل * لا صار بعيون الرخـوم الرقـادي ودني من الحاجات خمسه وثنتيـن * ثمانيـه مالهـن شبيـه يشـادي دني لي المحماس والنجر والهيـل * وخمره ومصفاتين واربع زبـادي ودني لي الطبخه وجزل بها الهيـل * اليا صار اشقر الفنجان جي وغادي شبه الزبادي بخد مريوشة العيـن * ولا زهر نـوار فـي بطـن وادي هذه الأبيات الجميلة و النادرة في القهوة العربية ، قالها الشيخ فرحان بن بدر الأيداء ـ رحمه الله ـ شيخ شمل قبائل ولد علي من عنزة في نجد ، و تعتبر من القصائد النادرة التي تم تدوينها للشيخ فرحان الأيداء المتوفي قبل أكثر من قرن و نصف تقريباً ، و قد أوردها عبد الرحمن السويداء في كتابه ( القهوة العربية و ما قيل فيها من شعر ) ، كما أوردها منديل الفهيد في كتابه ( من آدابنا الشعبية ) قم يالفهيم أحمس و لا لك مهونة * وقلط دلال كلهـا عمـل بيطـار صبه على اللي ون ركب يتبعونه * ليا نفضوا عقب العواني بالانكـار وعده على اللي دايـم ينحرونـه * اللي يشببهم الـى جـوه خطـار وعده على اللي لابته يمدحونـه * فكاك تال القوم كان الدخن ثـار واقصر عن اللي ما تعدد فنونـه * ما هو على طرق المواجيب صبار الشاعر / محمد بن عبدالعزيز القحطاني وهو يوصي ابنه يابو محمد شب واقضب مكاني * في غيبتي قهو الرجال المشاكيل وفل الحجاج لكل من جاك عاني * وابدا التحيه قبل سوق الفناجيل ويقول شاعر من قبيلة مطير واسمه شليويح وهو يوصي ابنه نمر امل الوجار وخلو الباب مفتوح * خوف المسير يستحي ماينـادي يانمر مافي صكة الباب مصلوح * ولاهي لهلكم يامظنـة فـؤادي الشاعر / خلف بن هذال العتيبي سوولي الكيف وارهو لي من الدله * البن الأشقر يداوي الراس فنجالـه كيف لنا نحرقـه بالنـار وانزلـه * واليا انقطع لو ورى صنعاء عنيناله الشاعر / ابن الذيب العجمي اشرب الفنجال واكب البيالـه * طيباً واحب سلـم الطيبينـي الولد ان طاب طيبه من خواله * وان تردا فاعرف انهم خايبيني ويقول الامير راكان بن فلاح ال حثلين اثناء اسره في تركيا يصف حالته يابوهلا صرنا سوات الدراويش * والكل منا خبزته فـي يمينـه لا عاد به دله ولا عاد به عيش * ولا عاد به فطحة خروفاً سمينة الشاعر / لحدان بن صباح الكبيسي يللي تصوغ البن لاتحـرق الكيـف * احمس على جمـر قليـل ٍ لهيبـه لى صار أشقر يعجب العين لى شيف * نضح العرق منه ايتباشش صبيبـه كبه بنجر اليا صرخ لـه تغطريـف * يشبه لذيب فـال و ارضـف قنيبـه اليا برد في نجره فكثر لـه الليـف * حيثـه إلـى نعـم تزايـد بطيبـة وحطـه بصفـرا زينـة بالتنظيـف * واحرص على الما لايغشك سريبـه ماها غدير ٍ من عـذي الطفاطيـف * ابعد اغثاه السيـل حامـي جذيبـه لى فاح به بنت اطيابـه بتصليـف * مثل القطيفي في الرياض العشيبـه صفه وزله في دلال ٍعلـى الكيـف * رسلان مع صنعة قريش العجيبـة واجعل اقناده حب هيـل بتسريـف * من مطبق في كل يـوم ملـي بـه إلى سكر كفه عن الجمـر تكفيـف * واغسـل فناجيـل ٍ انظـاف لبيبـة اليا صب جا له مع مجاريه توكيف * ما هو على الفنجال عجـل صبيبـه يا بانـة النجمـة بكفـي تناوشـت * ادلال بيـض و المقاضـب براغيـل انا وما حاشت يديني ومـا نشبـت * بالبن و المسمار و الجوز و الهيـل دريت لو عاشن هذه الايام ما عشت * لا بد مـن قبـر عليـه المخاييـل الشاعر / منور ابن صبحي الرشيدي في القهوة قم سـو فنجـان علـى شـف بالـي * يصبغ على كف الخراعيب مـن مـاه وأحمس على جمرا عقـاب اشتعالـي * إلى ما تبش من العرق تقـل مسقـاه ودقـه بنجـرا يـوم حسـه ايلالـي * قـنـيب ذيـب و خـاليات شـوايـاه ولقـم بدلـة مـن يـفـك التـوالـي * شاميـة دائـم علـى الجمـر مركـاه وبهـر بهيـلا لـو مشاربـه غالـي * و الرزق عند اللي على الناس حسنـاه حـذراء تحسـب دقهـا و الجـلالـي * تحسيبهـا خلـه علـى مـن تـولاه دنيـاك هـاذي مقتفيهـا الـزوالـي * جميع ما قالـوا هـل العلـم شفنـاه مـن قدمنـا مـا طاوعـت للهلالـي * ولا طاوعت للتـرك و ايـوب وحـذاه الشاعر / حمد ابراهيم العمار الى ضاق صدري قمت لم الدلالي * شبيت ناره يوم عني الكرى غاب الى اصرمت بالجمر عقب اشتعالي * زليت صافيها على كيف شـراب وقلبت حمستها على شف بالـي * حوش الغنم لين العرق فوقها ذاب ودقيتها من ضيقتـي باعتجالـي * نجره يصيح لراعي الكيف جـذاب صبيتها يـوم استـوت للكمالـي * من خوف يلحقها من النار لهـاب الشاعر / شليل بن عواض من بني عمرو من قبيلة حرب يا سعود قم هات الدلال المهانيف * في ليلة ناخذ سهرهـا قطوعـه إحمس وكيفها ترى طاب لي كيف * واستدن (مزعل) ياشفاتي وصوعه إلى تهيض بالعـوى والزعانيـف * يشدي عوا ذيب ٍشكا حر جوعـه يشدي عواذيبٍ بروس المشاريـف * حادية حـادي والهبايـب تلوعـه حتى يجيب مسيّر البيت والضيـف * مثل العقيد اللي تلافـت جموعـه خص ٍ اليا صاروا جماعه مواليف * ماركز الشيطان معهـم بكوعـه يا زين سجتهم وزين السواليـف * ما دوّروا واحد بالاخـر طموعـه واليا احدث الجهال بعض التخاليف * إستدركوها قبـل تكثـر فزوعـه تلقى لهم سمعة وهيبه وتصريـف * وكل ٍ يجي فعله على قـد نوعـه الشاعر / ذعار بن مشاري بن ربيعان والله لولا العظم يومني امـلاه * واكويه بالجمره ويكوي جروحي مع دلة صفرا على النار مركاه * وابصر بصتها على شف روحي فنجالها يشدي خضاب الخونداه * الجادل اللي عند اهلها طموحي الشاعر / عبدالهادي بن راجــــــــس السبيعي أوي فنجـال ٍ يصبـه مسويـه * وحنا سوالفنا على جـال ضـوه في ربعةٍ والبيت يرفـع بقاريـة * بيت على ما قيـل يرفـع بقـوة تالي نهاره وأولـه دايـج فيـه * قم سو فنجال المطاليـق سـوه أحذف لها رمثٍ إكبـار ٍ مثانيـه * تو الجماعـة نازليـن ٍ بجـوه والماء تخير من زلاله وصافيـه * من مزنةٍ ماخاشر العـج نـوه واحمس ولا تحرق وحاذور تنييه * ما بين فرُغها ومـا بيـن تـوه واجغف لها من طيب الهيل غاليه * والزعفران بكثرة الهيـل شـوه صبه على اللي طيبـات معانيـه * واختص منهو بالمراجـل تفـوه اللي يعنز لك إلى رحت ناصيـه * يسلم ولا يسلـم رديً المـروه الشاعر/ الأسمر خلف الجويعان العنزي ياحلو فنجال الضحى يـا عـذال * في مجلس ما به خبيث الغريـزة صبه لدسمين الشوارب والافعال * هل المكارم والنفـوس العزيـزة يطرد هواجيس على القلب تنهال * يطفي لضا هم ٍ سوات الوزيزة حيثك من اللي يعمل الصبح فنجال * اللي لهم في شبة الصبح ميـزة الشاعر/ راعي قصرالعشروات ياعلي شب النار ياعلـي شبـه * لا راع ظل مشمرخات الهضابي وأرمس بها ياعلي من جرم خبه * وقلط بها اللي مثل عنق الغرابي حنكيه مـا تنجلـي لـو نربـه * بلغودها تلقا سنا النـار صابـي ياللي تقول النـار كـلا يشبـه * الفرق كله عند ليـن الجنابـي الشاعر / جروان الطيار لولا العماس وضيقة الصدر ماجيت * أيضـاً ولا لـي حاجـة بالتعاليـل ياحلو فنجال الضحا كـان قهويـت * أن سولفو به شاربيـن الفناجيـل بدلال من يضحك حجاجه الياجيـت * أن جو لبيته مضرمين على الهيـل اللي قهوته تقعد الـرأس وتقيـت * يطرد عماسك شوف هدف المعاميل الشاعر / ناصرضيدان الحربي ياسيف فنجال النـزل ماتخليـه * لاصار تاجد طبخته مـع قنـاده ياشب نـاره كامـلات معانيـه * في ماقع ماقيل شيلـوا رمـاده في صيهد بذر أول الوسم غاشيه * نبته كما نثر الخبط مـن بـلاده أرض بها الصقار ياصل مناهيه * والطير للصقار يسـوى هـداده الشاعر/ محدى الهبداني العنزي ياحلو فنجال الضحى وأنت خاوي * عقب التعب محلاه قبل المتوعي وأنا مع اللي يقحمون الاهـاوي * اللي عليهم جايـزاتٍ طبوعـي بالزعفران يبهـرون القهـاوي * كيفٍ يسوونه على كل نوعـي الشاعر/ خلف أبوزويد الشمري ياحلو فنجال الضحى في محلـه * قبل الغدا والبيت حـدره فيايـاه في ربعة اللي مجلسه ما تملـه * البيت شامخ والركايـب تنصـاه والشمس فوق وقـفً الاضلـه * والبيت هتاش الخلا ما يتعداه أن جن هجاف والمزاهب مخله * والنجر يجذب شارب الكيف بانداه الشاعر/ أبن عبيكه لاضاق صدري جبت ضبة جذامير * شبيت ناراً مثل نـار الحرابـه ثم اللتفت وجبت هـدف المناقيـر * يركب على جمرا عقاب اللتهابه صبن على مثل الزبيدي مغاتيـر * لا شافته عـذرا تمنـه خضابـه لاشفها الطرقي مثل بلجة الطيـر * يزين وجهه عقب وسم الخلابه الشاعر / عجلان أبن رمال الشمري ياما حلا مع حومت الطير فنجال * لا عاد مالك حاجة تلتهـي بـه ليا بعد عفنً حريص على المال * ياحيف خطو المال يروح سيبـه لابد ما يهدم بناء مظلم الجـال * والذيب عندي عاملا له رقيبه الشاعر/ فخراز الرويلي يامحلا الفنجال من قبل يبنون * يوم أن كلا لاهيا مـا يجيلـه يوم العفون مدوبحينا يحطـون * وكل ٍ يجيب من الحطب للحليله الشاعرالأمير/ محمد الأحمد السديري قم سو فنجال الضحى يا أبن قمـاع * في صبته يالقـرام خلـك سريعـي صبه لمن هو ضايق البال مـن لاع * اغدي هواجيس الضمائـر تضيعـي هم ٍ بقلبي بيـن محنـي الاضـلاع * شي ٍ يضيق به الحمـاد الوسيعـي لا راح هما جاءت هموما لها أسناع * تسابقـه قلـب المشقـي جميعـي ويقول الشاعر/ ناصر بن عبدالكريم من اهل سدير خمسة عشر فنجال لحنيف صبيت * لو ان بطنه قربـةً قـد ملاهـا فرد عليه الشاعر/ حنيف بن سعيدان المطيري لا تحسبني من دلالـك تقهويـت * قللت في طبخها وكثـرت ماهـا ياموصي الحرمه على صكت البيت * تقول منته فيـه وانتـه وراهـا الشاعر/ عبدالله بن سبيل الباهلى ترى حلاة الكيف يا مشرب لـه * لا فارقوك اهل الحسد والنجاسه لا صار شغاله ظريـف بزلـه * وظرف بتقليبه وقيمة قياسـه الى صفا بنه على مـا شغلـه * تلقا على الفنجال ردعة لعاسه خطو الولد توه على شبة لـه * جميع هو مات المراجل براسه يقوم بالمعروف دقـة وجلـه * والله مهيئ له علـى قوباسـه وخطو الولد رجم على غيرحله * لو جازلك مبناه برّق بساسـه وقال شاعر اخر محماسي ماهيب مثل المحاميـس * لامتـن لا ثقـل ولاهـي خفيـفـة حديدها كحل فرش فـي قراطيـس * اخيـر أسـام الشغدليـه منيفـه مانجس الصانع بها الطرق تنجيس * متقادي من ثقـل كفـه رصيفـه ارهي لها الحب اليماني على القيس * حب نظيف وطينـه امـه مريفـه جفل النيا ما لبس الحـب تلبيـس * مثل الزمـرد بالكفـوف النظيفـه والاعيـون منكسيـن الكبابيـس * يوم اسجعت من بين امان وحفيفة والى صفـت زليتهـا بالمعاريـس * زلـول تقـدم للنشامـا طريـقـه ونسوقها لأهل الفخر والنواميـس * بيـض شفافيهـا نشفـا بليـغـه فنجالها يطفي لهيـب الحواسيـس * ماهي لكم ياهل النفوس الضعيفـه الشاعر / تركي بن حميد قم كيّف الطبخة ترى بان لي شان * مشتان في شان وشـان عنانـي بريه من سوق ضعـا ونجـران * يعبالهـا بالهيـل والزعفـرانـي تحسر لها لو كان تغلى بالاثمان * لاهابها خطـو الصبـي الهذانـي بعين يبدي فيه ذربيـن الايمـان * بكفوف عيال قروم عيال هانـي الشاعر / تركي بن فوزان بن ماضي التميمي قم يابن نازي سـو ماينعـش البـال * من الكيف سوه كنت راعـي شطـاره كيـف لنـا ماهـوب كيـف للانـذال * اللي عـن الجـودا يهـاب الخسـاره قم سولـي ياريـف الانجـاب فنجـال * ادغث لـه الطبخـة وكيـف بهـاره اشقر حمرة تبذل على شانـه المـال * وان جنب المسبـوع دربـه يسـاره وان جو مناكيف على السير وعجـال * عقـب التعـب يبغـون منـا وقـاره نقلط لهم ميسورنا مـع رخـا البـال * يـوم ولـد الـلاش غلـش بــداره واليوم لي صرف الدهر جاب الاهـوال * مـا قـال قلبـي قــوي العـبـاره خف القنا والثقل جاء مثـل مـا قـال * خف الرديف وراعي وراعي الكور داره واستنعج السرحان والبس مـا سـال * عن ذيب غدرا مـا يهـاب السمـاره في دارنا نطفـي كـدا المـر بـزلال * يكـود بـرد المـاي يجلـي حـراره الشاعر/ الامير عبد الرحمن بن عودة الفضلي يازين فنجال الضحى با المراحـي * امسكبه راعيـه والنـذل مجـاه فنجال اشقر بين نـي ونجاحـي * يصبغ بكاس الصين كالدم مجراه راعيه مادور ابصاعـة رباحـي * يبغيه لاجـاو المساييـر مجـراه ريحه على جمر الغضا حين فاحي * يبلغ مسيرة يوم يابعـد مسـراه لا شمة المشتاق با لارض طاحي * يسكر بريحه من بعيد ٍ إلى جـاه با لحمس الرافق مع بال صاحـي * ناره قليله او على جمر يصـلاه يفوح له بين الحمـى واللياحـي * ريحه كما العنبر من الهند مجناه لأصفر واحمر كالزمرد وشاحـي * بين النياه وبين الانجـاح مكفـاه دقه بنجر يعجبك بـا الصياحـي * صوته عجيب ومرتفع با لمـلالاه الشاعر / الشيخ عجران بن شرفي شيخ آل علي اهل العارض من سبيع يافهيد صك النجر يوحيـك بتـال * صكه كفـاك الله جميـع الاذايـا استدن نجر في الدهر يعول اعوال * اعوال سبـع حاديتـه الضرايـا وعليه كيف لي من البن فنجـال * جعل الرخوم ونسلها لـك فدايـا وعده لحماي النوايـب والاثقـال * في الضيق لا من التقن المنايـا واللي يحزب زاد بيته ليـا كـال * وحط المعاني الطيبة لـه شرايـا واللي ليا رد البرا بين الاعمـال * له عادة يرخص سمان العطايـا واللي يروي حربتـه بالتجـوال * لا رفعـوا لقطيهـن بالهـوايـا وباقي العرب خله ولو كان زعال * هذا وبالمجلـس كثيـر الحكايـا شاعر بني تميم الكبير / الشيخ عبدالله بن علي بن صقيه الوهيبي التميمي ليا دك بي هاجوس شبيت ضوي * وحمست بن فوق جمر غضاوي بريـة ماحافهـا كـل بــوي * دلالها يبري لهـا نجـر مـاوي والى لفوني قاطعـة كـل دوي * صفيت ماها ماطبخـت الثنـاوي حنـا الـذي للشاذليـه نسـوي * اليا لوبدوا امنومين الضحـاوي وان هب نسناس الهبوب الشتوي * غربية تشوي وجيه الشـواوي كثرت فيها الهيل يشهد عـدوي * الالف عندي والريال متسـاوي والمرجلـه كـل بفعلـه ينـوي * لاكنها تكلـف قريـب الهقـاوي تبغي عريب مالوجهـه يلـوي * قرم على عرضه وسمته يلاوي حلحيل للسيف المهنـد يـروي * من لابة تعرف نهـار العـزاوي الشاعر / الشيخ سلمان البلوي يا مسوي الفنجال عجل بسوقـه * خص الشيوخ وبد ناس على ناس خص الشجاع اللي تحلى طروقه * فكاك ربعه يوم الاريـاق يبـاس